ဖောက်ခွဲမိတဲ့ စာ

Wednesday, January 16, 2008 by KO WAI

မင်းတို့အကြိုက် ရေးမိတဲ့ ငါ့ကဗျာ ငါ့စာတွေကိုလည်း ငါစိတ်ကုန်တယ်
ကဗျာ မကြိုက်တက်တဲ့သူ့ကိုလည်း တစ်တစ်တစ်ခါစိတ်ကုန်တယ်
သူ့ကိုမှမေ့လို့မရတဲ့ ငါ့ကိုငါလည်း စိတ်ကုန်တယ်
သူဖုန်းဆက်တက်တဲ့ အချိန်တိုင်း ဖုန်းဘေးနားမှာ ထိုင်နေမိတဲ့
ငါ့ကိုငါလည်းစိတ်ကုန်တယ် .... တစ်ခါတစ်ခါ ငါ့စိတ်နဲ့ ငါနေခွင့်မရတဲ့
ဘ၀ ဆိုတဲ့ အနှောင်ဖွဲ့တစ်ခုကိုလည်းစိတ်ကုန်တယ် ဖြစ်နိုင်ရင်
အားလုံးကို ငါသတ်ပစ်ပြီး ငါ့ကိုငါလည်းသတ်သေလိုက်ချင်တယ်
မလုပ်ရဲလို့ ဟတ် ဟတ်

Posted in: | 1 ဝေဖန်ခဲ့ပါပြီ | |  

ကျနော် အိမ်မြှောင် ပိုးကောင် နှင့် အိပ်မရသောည

Sunday, December 30, 2007 by KO WAI

အိပ်မရတဲ့ ညတွေမှာ ဘာရယ်မဟုတ် ဟိုတွေဒီတွေး ဟိုငေးဒီငေးနဲ့ အိပ်ရာထက်မှာ လဲလျောင်းရင်း မျက်နှာ ကျက်ဖြူဖြူ တွေကို အကြောင်းမဲ့ ကြည့်နေ ခဲ့မိတယ်..... မနေ့ညက ဆိုပါတော့ ။ ဒါနဲ့ ဘဲ ပထမဆုံး ကျနော့်ရဲ့ မြင် ကွင်းထဲကို ၀င်လာတာက တော့ အိမ်မြှောင်လေးတစ်ကောင်ဗျ .... ဒီကောင့်ပုံစံကြည့်ရတာ တစ်ဆုံတစ်ရာကို ရှာ ဖွေနေဟန်တူရဲ့ ဘာကိုရှာဖွေနေတာကိုတော့မသိပါ သို့သော် သိတော့သိချင်လာပါသည် .... ထို့ကြောင့် အားနေ သောမျက်လုံးနှစ်လုံးကို အိမ်မြှောင် စောင့်ကြည့်ရေးတာဝန်ပေးလိုက် သည် ။ ထိုအိမ်မြှောင်သည်ငတက်ပြား ခြေလှမ်းဖြင့် ကျနော့် မြင်ကွင်းဆီမှ တဖြည်းဖြည်းထွက်ခွာရန်ဟန်ပြင်နေသည်.... တစ်စုံတစ်ရာဆီသို့ ဦးတည်ရွေ့ လျားနေသည် ဟုထင်ရသည် ထိုတစ်စုံတစ်ရာသည် ဘာလဲ ဘာလဲ ဟူသော သိချင်သည့်ဆန္ဒသည် ပိုမို အားပြင်း လာလေလေ ကျနော်ရဲ့ အကြည့်တို့ကို ထိုအိမ်မြှောင်ဆီသို့ တွန်းပို့ထားလေလေ ....... ထိုသို့ နှင့် ကျနော့် အကြည့် စက်ကွင်းဆီသို့ ဒုတိယမိ တစ်စုံတစ်ရာ ၀င်လာလေသည်..... ထိုတစ်စုံတစ်ရာသည်ကား ထူးထူးခြားခြားမဟုတ်ပါ ပိုးကောင်ငယ်လေးတစ်ကောင်ပါ ဘာ ပိုးကောင်မှန်းတော့ မသိပါ ပိုးကောင်ငယ်တစ်ကောင်ဆိုသည်မှာ တော့သေချာသည် ဘာပိုးကောင်လေးလဲ ကျနော်တွေးနေစဉ် ခဏလေးမှာပင် ထိုပိုးကောင်ငယ်လေးသည် မြင်ကွင်းထက်မှကိုရောင်ဖျောက်သွား လေသ လားမသိ ပျောက်ချင်းမလှပျောက်သွားတော့သည်...... တွေ့ပါပြီ ပိုးကောင်ကလေးပျောက်သွားရသည့်အဖြေကို အ်ိမ်မြှောင်ငယ် တစ်ညတာ ၀မ်းစာအတွက်စတေးခဲ့ရသည်ကို ........ ထို့နောက်အိမ်မြှောင်သည်လည်းကျနော့် မြင်ကွင်းဆီမှ တစ်ရွေ့ရွေ့ထွက်ခွာသွားတော့သည် ကျနော်လည်း ဘယ်ကိုထွက်သွားသည်ကို ဆက်ကြည့်မနေ တော့ ...... ကြည့်စရာလည်းလိုမှမလိုတော့တာဘဲ.....

ဒါပေမယ့်ကျနော်နဲနဲတော့ ဆက်တွေမိပါသည် အိပ်မပျော်လို့တွေးမိတာလည်းဖြစ်ချင်ဖြစ်မည်..... ကျနော်တို့ ၏ ရှင်သန်ရပ်တည်မှုအတွက် တစ်စုံတစ်ရာကို တရားမျှတခြင်းကင်းမဲ့စွာ စတေးခိုင်းမိလျှင် ထိုသို့သောရှင်သန်မှု မျိုးကိုတော့ ကျနော်တို့လိပ်ပြာလုံနိုင်မည်လား ခင်ဗျာတို့ကော လိပ်ပြာလုံနိုင်မည်လား သို့သော် အိမ်မြှောင်သည် အိမ်မြှောင်ဖြစ်သလို ပိုးကောင်သည်လည်းပိုးကောင်ဖြစ်ပါသည်..... ထိုအိပ်မြှောင် ကိုသွားဆုံးမနေလျှင် ကျနော် သည်ပင်မိုက်မဲရာကျပါလိမ့်မည် သို့သော်ကျနော်သည်လည်းကျနော်ပင်ဖြစ်ပါသည်........

Posted in: | 0 ဝေဖန်ခဲ့ပါပြီ | |  

အိပ်မက်ဟောင်းမှာ ဆက်အိပ်သူ

Monday, December 24, 2007 by KO WAI

နှုတ်ဆက်မှတော့ ဝေရတော့မည်
ကိုယ်သာသိလည်း ကိုယ့်ရင်ထဲမှာ..............
ပြန်လာမည့်ရက် တွက်ဆစ်ရေချိုး
နွေမိုးဆောင်းတို့ ပြောင်းခဲ့ပြီ.....

ရာသီဝန်းစက် ဘယ်လိုသွက်သွက်
မေ့မရစဲ တမ်းတဆဲမို့
ဖုန်းထဲကသူ့ အသံ ပြန်ပြန်ကြားမိသလိုလို
တစ်ခါတုန်းက သူ့အကြည့် ပြန်ပြန်မြင်မိသလိုလို

ပါတ်စပို့စ်အရွယ် ဓာတ်ပုံငယ်ကို
ခါခါထုတ်ကြည့် သူမသိလည်း
ရင်ထဲကဝေဒနာ ဖြေသာမလားရယ်လို့ပေါ့

အလွမ်းတဆစ်ဆစ်နဲ့ ဒီဖင်ဘာ
သူမရှိတဲ့ဒီဖင်ဘာ မှာ
သူအတွက်ကဗျာကို
သူလက်ဆောင်ပေးတဲ့
ဖောင်တိန်လေးနဲ့ရေးခဲ့တယ်...
ချယ်ရီတောမှာ သူပျော်မောပါစေ............

Posted in: | 0 ဝေဖန်ခဲ့ပါပြီ | |  

ဒါမျိုးတွေလည်းဖြစ်တက်ပါတယ်

by KO WAI

ဒီရက်ပိုင်း ဘော်ဒါအပေါင်းဆီကနေ ဇွတ်ကြီးရော အတင်းကြီးရော အမေးခံနေရတဲ့မေးခွန်းတစ်ခုရှိတယ်ဗျ။ ငြင်းလို့ လဲမရ ပြောလို့လည်းမယုံ ဘယ်လိုပုံဘယ်လိုနည်းနဲ့ ဖြေရှင်းရမှန်းကို တိတော့ဘူး ချိတ်ညစ်တယ်....ကိုဝေ အသည်း ကွဲနေလားတဲ့ မကွဲဘူးဆိုလည်းမရ ဇွတ် .... ဟုတ်ပါဘူးဆိုတာတောင် ဟုတ်ရင်လည်းရှက်ဆရာမလိုပါဘူး ဆိုတဲ့ ကျနော် အစ်ကိုလိုခင်ရတဲ့ ဆရာကပါသေး ဂျီတော့ မက်ဆေ့တွေ ဒါမှမဟုတ် ဘလောက်က ကဗျာတွေ စာတွေ ကြောင့်ဖြစ်မယ်ထင်ပါရဲ့ ဂျီတော့က စာတွေကတော့ သီချင်းစာသားတွေကို ခပ်တည်တည်နဲ့ကူးထည့်ထားတာပါ ဟတ် ဟတ် စိုးရ်ိမ်တာကိုတော့ကျေးဇူးဗျား.......နော် တကယ်တော့ လူတစ်ဦးရဲ့ ဘ၀ အထူးသဖြင့် အမျိုးသားတွေမှာပေါ့ မိန်းကလေးတွေနဲ့ပါတ်သက်ပြီး ဖြတ်သန်းရတဲ့ အဆင့် (၃) ဆင့်ရှိသတဲ့......( ပြင်ညာရှိစကား မှတ်သားထားနော် ဟတ် ဟတ် ) (၁) ... ပထမအဆင့်က အမျိုးသမီးတစ်ယောက်က အမျိုးသားတစ်ယောက်ကို ၀မ်းနည်းအောင်လည်းလုပ်နိုင် .......................................တယ် ၀မ်းသာအောင်လည်းလုပ်နိုင်တယ်ဆိုတဲ့အဆင့်မျိုးပေါ့ဗျာ ..... (၂) ... ပထမအဆင့်က အမျိုးသမီးတစ်ယောက်က အမျိုးသားတစ်ယောက်ကို ပျော်ရွင်အောင်သာ ဖန်းတီနိုင် .......................................ပြီး စိတ်ဆင်းရဲစရာ ၀မ်းနဲစရာ အဖြစ်မျိုးတွေကို ဖန်တီးနိုင်မှုမရှိတဲအဆင့်ပေါ့.... (၃) ... တတိယအဆင့် မှာတော့ ၀မ်းနဲအောင်ကော ၀မ်းသာအောင်ကော မလုပ်နိုင်တော့ဘူးဆိုတဲ့ အဆင့် မျိုး ပေါ့ဗျာ အင်မတန်ရင့်ကျက်တဲ့ အဆင့်ပေါ့..... ဒီလိုအဆင့် (၃) ဆင့်ကို ဖြတ်သန်းရလေ့ရှိတယ်ဗျ အဲဒီ အဆင့်(၃) ဆင့်နဲ့ရင်ဆိုင်တဲ့ အခါမှာ အသက်အရွယ်ထက် ပြဿနာတစ်ခုကို ဖြေရှင်းတဲ့နေရာ သို့မဟုတ် ဆုံးရှုံးမှုကိုကြုံတွေ့ရတဲ့ အခါမှာ ထားလေ့ထားထရှိတဲ့ ထိုသူရဲ့ စိတ်နေစိတ်ထားအ အဓိက ကျတယ်ဆိုပါတော့ တစ်ချို့ဆိုရင် စီးပွားရေး မှာလဲအောင်မြင်ပါရဲ့ အသက်တွေလည်း လူငယ်သက်တမ်းတွေကို ဖြတ်သန်းလာပါ ရက်ကယ်နဲ့ ပထမ အဆင့်ကို မကျော်နိုင်တဲ့သူတွေရှိတယ်ဗျ....တတိယ အဆင့်သမားတော့ မတွေ့ဖူးသေးဘူး ဗျ .... ဒါပေမယ့် ဒုတိယ အဆင့်လောက်မှာတော့ရှိမှ နေသာထိုင်သာရှိတာ ဟေ့ မဟုတ်လို့ကတော့ လွယ်ဘူး ... ကျနော်ကော ဘယ်အဆင့်မှာလို့ သူငယ်ချင်းတို့ထင်လဲဗျ ကိုယ့်ကိုကိုယ်တော့ ... ဟတ် ဟတ် ဟတ်

Posted in: | 2 ဝေဖန်ခဲ့ပါပြီ | |  

၂၀၀၇ နှင့်စကားစမြည်

Monday, December 17, 2007 by KO WAI

၂၀၀၇ ရေ ငါတို့ခွဲခွာရတော့မယ်။ ငါတို့ဝေးကွာရတော့မယ်......မင်းနေဖို့ရက်သိပ်မကျန်တော့ဘူးဆိုတာ မင်းသိသလို ငါလည်းသိပါတယ်.... ဘာဘဲဖြစ်ဖြစ်လေ မင်းဟာငါနဲ့ ရက်ပေါင်း ၃၀၀ ကျော်လက်တွဲ ခဲ့တဲ့ မိတ်ဆွေတွေဘဲ လေ .... ဒါပေမယ့်ကွာ မင်းဘာကိုမှ စိတ်မကောင်းမဖြစ်ပါနဲ့ ....ငါတို့ဆိုရင် ကိုယ့်နောက်ဆုံးအချိန်ကို မင်းလိုကြိုသိခွင့် ရတာမှမဟုတ်တာ....
မင်းရင်ခုန်သံတွေရပ်သွားပြီး အခြားစက္ကန့်တစ်ခုကို ခုန်လိုက်တာနဲ့ မင်းကိုကြိုခဲ့သလို ငါတို့လည်း အခြားသက္ကရာဇ် တစ်ခုကို ကြိုဆိုရအုံးမယ်ကွာ..... မင်းနေရာမှာ အစားထိုး တာဝန်ထမ်းဆောင်မယ့် မင်းရဲ့ မျိုးဆက်သစ်ဆိုပါတော့ .... ဒီအတွက်လည်း မင်းစိတ်မကောင်းမဖြစ်ပါနဲ့ သူငယ်ချင်း...... နေရာ တစ်ခုဆိုတာ ကိုယ်အမြဲတမ်းဆုပ်ကိုင် ထားစရာမှ မလိုတာဘဲ ..... အချိန်တစ်ခုကိုရောက်ရင် လွှဲပြောင်းသင့်တဲ့ သူကိုလွှဲပြောင်းပေးရတာပါဘဲံလေ.... မင်းလဲ ၂၀၀၆ ဆီက တာဝန်ပြောင်းယူခဲ့သလို ပေါ့ ..... ပြောသပြောရတာ မင်းကတော့ သက္ကရာဇ် အသစ်ကို နေရာပေးဖို့ အဆင်သင့်ဆိုတာ ငါသိပြီးသားပါ .... တို့လူတွေသာ အဲဒီမှာ ပြဿနာတက်တက်နေကြတာ ။ ခင်ဗျားမရှိတော့ပေမယ့် ခင်ဗျားရေးခဲ့တဲ့ ဒိုင်ယာရီ စာအုပ်ကိုဖတ်ပြီး သင်ခန်းစားတွေ ယူကြမယ့် မျိုးဆက်သစ်တွေကတော့ လက်ချိုးမရေ နိုင်အောင်ကိုရှိနေမှာ မို့ ခင်ဗျား ဂုဏ်ယူ လိုက်စမ်းပါ ဗျာ.... ခင်ဗျားလျှောက်ခဲ့တဲ့ သက်တမ်းမှာ အမှားတွေ ပါခဲ့ရင်တောင် ခင်ဗျားရဲ့ ဒိုင်ယာရီမှာ ရိုးရိုး သား သား မှတ်တမ်းတင်ခဲ့လိုက်ပါ..... ဒါမှဘဲ သက္ကရာဇ် အသစ်တွေဟာ ခင်ဗျားလို အမှားတွေထပ်မမှား မှာပေါ့ တကယ်တော့ သွားလေသူတွေဟာ ပြီးဆုံးသွားသူတွေမဟုတ်ဘူး လမ်းပြခဲ့သူတွေလေ .......
ခင်ဗျားလဲ ခင်ဗျားရဲ့ မျိုးဆက်သစ်အတွက် ခင်းဗျား ဒီုင်ယာရီလေးကို လက်စသပ်ပါတော့ .... ပြီးရင်တော့ အေးအေးချမ်းချမ်း အနားယူနိုင်ပါစေဗျာ..........

Posted in: | 2 ဝေဖန်ခဲ့ပါပြီ | |  

ဆုတောင်း

Friday, December 14, 2007 by KO WAI

ဒီနေ့တော့ ရေးစရာပိုစ့်က လည်း သိပ်ထွေထွေထူးထူးမရှိ ရေးကလည်းရေးချင် အဲဒီတော့ ထူးပါဘူးဆိုပြီး ကျောင်း သားဘ၀တုန်းက ရေးခဲ့တဲ့ ကဗျာလေးတစ်ပုဒ်ဘဲတင်ပေးလိုက်တော့မယ် ကဗျာနာမည်ကတော့ ဆုတောင်းတဲ့

ဆုတောင်း
မချစ်ဘူးမုန်းတယ်
နှုတ်လွယ်လွယ်နဲ့
ငြင်းတက်ကြတဲ့
မိန်းမတွေ
ဖဲသမားနဲ့ ငြားပါစေ ။ ။
တဲ့ ဟတ် ဟတ်
---မိန်းမဟူသည့် ထိုဣတ္ထိက မရှိမကောင်း ရှိမကောင်းတည်း---

Posted in: | 2 ဝေဖန်ခဲ့ပါပြီ | |  

သေတမ်းစာ essay

Saturday, December 8, 2007 by KO WAI

သိပ်မကြာခင်တစ်ရက်က ကျနော်အကျွမ်းတ၀င် ရှိတဲ့ လက်ရေး နဲ့ ရေးထားတဲ့ စာအိတ်တစ်လုံး ကျနော့်အိမ် တံခါး ၀ဆီကို မဖိတ်ခေါ်ဘဲ အလည်ရောက်လာခဲ့တယ်လေ။ ထိုစာကို ကျနော်ဖောက်ဖတ်ဖို့ အားမထုတ်ပါ ။ ဖတ်ချင်စိတ်လည်းမရှိပါ။ ဒီကမ္ဘာပေါ်မှာ ကျနော် မသိသော အရာများစွာရှိပါသည်။ ဒီတော့ ဒီစာထဲမှာ ဘာတွေပါသည်ကို သိခြင်းမသိခြင်းသည် ကျနော့် အတွက်သိပ်ထူးထူးခြားခြားမရှိပါ ။ မသိခြင်းများစွာထဲမှာ တစ်ခုပိုလာခြင်းသည် ဘာများထူးခြားသွားမည်လဲ..... ထိုစာအိပ်ထဲမှာ ၀မ်းသာခြင်းလား ၊ ၀မ်းနည်းခြင်းလား ၊ ပျော်ရွင်ကြည်နူးခြင်းလား သို့တည်းမဟုတ် အမုန်းတွေလား တစ်ခုခုတော့ ပါပါသည်ဟု ကျနော် အတက်ပြော နိုင်ပါသည်။ ဒီအတွက် စိတ်လှုပ်ရှားမှု တစ်စုံတစ်ရာဖြင့် ဒီစာအိတ်ကို ဖောက်မဖတ်ချင်တော့ပါ .... ထို့ကြောင့်မဖတ်တော့ဘူးဟု ဆုံးဖြတ်လိုက်ပါသည်.....
ကျနော်သည်လူတစ်ယောက်ဖြစ်သည်... လူသားအားလုံးသည်သေကြရမည်... ထို့ကြောင့်ကျနော် လည်း သေရမည်သာဖြစ်ပါသည်။ ကျနော်မသေခင်မှာ အားလုံးနှင့် သင့်သင့် မြတ်မြတ်ရှိချင်သည် စာထဲမှာဘာတွေပါသည်ထက် သူနှင့်ကျနော်ပြန်တွေ့သောနေ့တွင် လူသားပီသသော အပြုံးတို့ကို နွေးနွေး ထွေးထွေး ပြုံးပြချင်ပါသည်။ သူတင်မဟုတ်ကျနော် အားလုံးကို ရိုးရိုးသားသား ပြုံးပြချင် ပါသည်။ သို့သော် ကျနော်တစ်ခါတစ်ခါ မျက်စိ လျှမ်းတက်ပါသည်။ လမ်းမှာတွေ့လို့ ပြုံးမပြမိလျှင်တကယ်မတွေ့ခြင်းဖြစ်ပါသည်။ ဒီအတွက်အားလုံးကိုတောင်း ပန်ပါသည်။ ခင်ဗျားတို့သေလျှင် ကျနော်လိုက်ပို့ပါမည်။ ခင်ဗျားတို့နောက်ဆုံးခရီး စည်စည်ကားကားဆိုတော့ ခင်ဗျားဆွေမျိုးတွေ ဂုဏ်ရှိတာပေါ့ ။ ကျနော်သေလျှင်တော့ ခင်ဗျားတို့ လိုက်မပို့ ကြပါနှင့် ။ ခင်ဗျာ တို့အလှည့်မှာ ကျနော်လိုက်မပို့နိုင်တော့ သည်မှာ အားနာစရာကောင်းလှပါသည်။ စာအိတ်ပိုင်ရှင်ကိုတွေ့လျှင်ပြောလိုက်ပါ.......
သူအရင်သေလျှင်ကျနော် လိုက်ပို့မည့် အကြောင်းနှင့် လမ်းမှာတွေ့လျှင်နှုတ်ဆက်မည့်အကြောင်း သူ့စာကို ကျနော်ဖောက်မဖတ်ဖြစ်သည့် အကြောင်းတို့ကိုပေါ့......ကျနော်နောက်ဆုံးမှာခဲ့ချင်သည်မှာ ဒီနေ့လားမနက်ဖြန် လား ကျနော်သေပါမည် သိပ်တော့မသေချာပါ သေတာတော့သေပါမည် ကျနော်မသေခင် အာလုံးနှင့် သင့်သင့် မြတ်မြတ်ရှိစေချင်ချင်သည်......

Posted in: | 2 ဝေဖန်ခဲ့ပါပြီ | |  

Subscribe to: Posts (Atom)