newspaper and idea: 2008

လွယ်အိတ်ဖြစ်သွားတဲ့ငါ

Saturday, August 2, 2008 by KO WAI

အမှားနဲနဲနဲ့ ဘ၀ကိုရင်ဆိုင်ခဲ့တဲ့အထဲမှာ
ငါမပါခဲ့ဘူးထင်ပါရဲ့ ......

မှန်တယ်ထင်တာတွေမှား မှားတယ်ထင်တာတွေမှန်တယ်လို့
ငါ့ကိုယ်ငါ ပြန်ထင်ခဲ့တဲ့အခါ
ငါ့ခြေထောက်အောက်မှာ ဆယ်စုနှစ် နှစ်ခုစာလောက်
ကျိုးပျက်ကြေမွသွားခဲ့ပေါ့

ဒါပေမယ့်ဗျာ အမှားဆိုတာပါမှ
ဘ၀ဆိုတဲ့ဝါဒဟာ အရသာရှိလှတာကို
သွားမှရောက် မေးမှသိမယ်မှန်းသိပေမယ့်
မသွားလို့မရောက်တဲ့ခရီးတွေ
မမေးလို့မသိတဲ့အသိတွေနဲ့
ငါ့ရင်ဘက်ဟောက်ပက်ဖြစ်နေတုန်း

ဒုက္ခနဲ့တစ်ခါကြုံတိုင်း ချစ်သူလက်ကို
တစ်ခါကိုင်ပါရစေတဲ့
ရေးလို့တော့လှပါတယ် အိုမာခရမ်ရေ
ဒုက္ခဘေးမှာ အေးအေးလေးရပ်နေပေးတဲ့
ချစ်သူဆိုတာရှိလုိ့လား.....

ကိုယ်ဖြစ်ကိုယ်ခံ မတောင်းပန်နဲ့လို့ပြော
ဆောရီးဆိုပြီးခွာသွားမှာ ၁၀၀% သေချာတယ်

သွားမှရောက်မယ်မှန်းသိရင် ငါ့ခရီးငါ
ထီးထီးသွားမယ်
မေးမှသိမယ်မှန်းသိရင် ငါ့မေးခွန်းတွေဟာ
အားမနာရှာမကျိုးဘဲလေ
နောက်ဆုံးတော့ ငါဟာ ခင်ဗျားတို့ရဲ့ကြားမှာ
လွယ်အိတ်တစ်လုံးဖြစ်သွားတာပါဘဲ
အဲဒီလွယ်အိတ်ထဲမှာ အမှားတွေ
ခိုက်ရန်ဖြစ်ပွားနေလေရဲ့ .......

Posted in: ကဗျာ | 5 ဝေဖန်ခဲ့ပါပြီ | |

ရင်ခုန်သံဆွေးနွေးခန်း

Monday, July 21, 2008 by KO WAI

အမေပြောတော့
မေတ္တာဆိုတာ ရောင်ပြန်ဟပ်တယ်ဆို
ပေးလိုက်ရတာဘဲ အဖတ်တင်တယ်အမေရယ်
ကျနော့်အဖြစ်က မထင်တဲ့ပုစ္ဆာကို အမေးခံရတဲ့ ကျောင်းသားလိုပါဘဲ
မေးခွန်းစာရွက်ကြည့်ပြီးရယ်

ရအခက် ငိုရအခက်နဲ့
ကျနော်သူ့ကိုဘာကြောင့်ချစ်ခဲ့လဲတော့ ကျနော်ကိုယ်တိုင်လည်း မသိခဲ့ဘူးအမေ
သေချာတာကတော့ ကျနော်သူ့ကို ချစ်နေဆဲပါ
ဒါပေမယ့်အမေရယ်
အိပ်မက်ဆိုတာနိုးရင်တော့ ပျောက်သွားရတာဘဲမဟုတ်လား
မက်ခဲ့သူစိတ်ထဲမှာတော့ စွဲကျန်ခဲ့တက်တာပေါ့
တကယ်တော့သူဟာ ကျနော့် အိပ်မက်ပါဘဲလေ။
အိပ်မက်ထဲမှာတော့ သူ့လက်ကို ဖွဖွလေးတွဲခဲ့ဖူးပါရဲ့
လက်တွေ့မှာတော့ကြင်ခွင့်ဝေးလို့ မြင်ခွင့်လေးတောင်မရတဲ့ဘ၀
ကမ္ဘာနှစ်ခြမ်းမှာမဟုတ်ပေမယ် သူနဲ့ကျနော်ဟာ
မိုင်ပေါင်း ၂၉၀၀ ကျော်ဝေးကွာနေတယ်လေ
သူသာခံစားနားဆင်တက်ရင်တော့
စက္ကန့်သံခတ်လိုက်တိုင်း သူ့နာမည်ထွက်ထွက်ကျလာတဲ့
ကျနော့်ရင်ခတ်သံတွေကို အဲဒီအကွာဝေးကနေဘဲ
နားဆင်နိုင်မှာပါ။
ဒါပေမယ့်သူနားမဆင်တက်ခဲ့ဘူးအမေ
သူ့နှလုံးသားရဲ့ အနားသတ်တွေမှာတောင်
နေခွင့်မရတဲ့ ထာဝရ အပြင်လူပါဘဲ အမေရယ်...
စည်းအပြင်ကလူဆိုပါတော့

ဖြစ်နိုင်ရင်တော့ အဲဒီရင်ခုန်သံတွေကို ဂုတ်ကခွစီးပြီး
ပါးပိတ်ရိုက်ပစ်ချင်တယ်
ကျနော်မလုပ်ရက်ဘူးအမေ သူ့ကိုချစ်တဲ့ ကျနော့်ရင်ခုန်သံတွေ
နာကျင်သွားမှာစိုးလို့ပါ....
တကယ်တော့ သူဟာ ကျနော့် ဘ၀တစ်ခုလုံးရဲ့
တစ်ခုထဲတော့အိပ်မက်ပါဘဲ အမေရယ်...

Posted in: | 1 ဝေဖန်ခဲ့ပါပြီ | |

ဇာတ်တူသား စားသူများ

Saturday, July 19, 2008 by KO WAI

မှောင်တစ်ချက်လင်းတစ်ဝက်နဲ့
ဘ၀ကိုပက်လက်လှန်ပြီး
ရေစုန်မျှောလာလိုက်တာ
စာတက်ပေတက်မဟုတ်ပေမယ့်
စာလေးဘာလေးတော့ဖတ်တက်ခဲ့ပါရဲ့

“က” နဲ့ “အ” ကြား စကားလုံး အတက်အကျတွေမှာ
ဖြစ်တည်မှုဝါဒတွေပါပါရဲ့
လူအချင်းချင်းရိုင်းပင်းရမယ်လို့မြင်ဖူးပါရဲ့
လူသားခြင်းစာနာရမယ်လို့ ကြားဖူးပါရဲ့

ဒါပေမယ့်အမေရယ်
ကျနော်တကယ် တွေ့ ခဲ့ရတာဆိုလို့
လူသားချင်းချောက်ချ
ဘ၀တွေကို ကမောက်ကမဖြစ်အောင်လုပ်
ငါတစ်အုပ်ကောင်းစားရေးအတွက်
ဘ၀တွေကိုနင်းခြေ
လူလူချင်းအပျင်းပြေကစား
သြော်လူဆိုတာ
မျိုးတူသားကို ပါးစပ်နဲ့မစားတဲ့
ဇာတ်တူသားစား သတ္တ၀ါတွေပါလား ......

Posted in: ကဗျာ | 2 ဝေဖန်ခဲ့ပါပြီ | |

လူ့ချဉ်ဖတ် ဖြစ်သွားတဲ့ ငါ

Wednesday, July 16, 2008 by KO WAI

တရားခြင်းမတရားခြင်း
မှန်ခြင်းမှားခြင်းကြား
ငါမှန်တယ် သူမှားတယ်
သူမှားတယ် ငါမှန်တယ်
အတ္တအသွယ်သွယ်နဲ့
ဘ၀ကိုဖလှယ်ခဲ့တာဆိုလို့
နှစ် ၂၀ ကျော်ကြာခဲ့ပေါ့။

ဒင်္ဂါးတစ်ပြားမှာ ခေါင်းနဲ့ပန်းရှိသလို့
ခင်ဗျားတို့နဲကျူပ်က မတူတဲ့ရှုထောင့်တွေမှာ
ခွထိုင်ခဲ့မိကြတာကို။

တစ်ခါတစ်ခါခက်နေတာက
အများမကြိုက်တဲ့ တဲ့စာကားကိုမှာ
ဟာတိုက်ပါးရိုက်ပြောခဲ့မိတဲ့အခါ
ငါဆိုတဲ့ငါဟာ လူကြိုက်နဲတဲ့သတ္တ၀ါ
ဖြစ်လာပါလေရော။

အများညီလည်း ဤဟာ ဤ ပါဘဲဆိုတော့လဲ

ခင်ဗျားတို့နဲ့ကျုပ်ဟာ ဘယ်မှာလာ သဟဇာတဖြစ်မှာလဲ
အများမကြိုက်တဲ့စကားလုံး တွေကိုအန်ချမိတဲ့ငါ...
အန်ဖတ်ဆိုတာချဉ်စော်နံတယ်လေ
တကယ်တော့ငါဟာလူချဉ်ဖတ်ဆိုပါတော့...။ ။

Posted in: ကဗျာ | 0 ဝေဖန်ခဲ့ပါပြီ | |

အမှားပြင်ဆင်ချက်

Sunday, July 6, 2008 by KO WAI

ကွန်ပျူတာသည် အထီးကြီးဖြစ်ပါသည်။ ကျနော်မှားပြီးတော့ နိုင်ချင်ဇောနဲ့ ပြောမိသလိုဖြစ်သွားတယ် ၀မ်းသာသွားသော ರೆಪ್ಲುಬಿಕ್ အတွက် စိတ်မကောင်းသလို အမှတ်မှားသွားသော ရွေပြည်သူလဲ ခွင့်
လွတ်ပါခင်ဗျ

Posted in: | 1 ဝေဖန်ခဲ့ပါပြီ | |

ကွန်ပျူတာသည် အထီးလောအမလော

Saturday, July 5, 2008 by KO WAI

ပြင်သစ်ဘာသာစကားမှာ အရာဝတ္ထုတွေကို အထီးအမခွဲလေ့ရှိသည်။ ဥပမအိမ်ဆိုရင် အမ ဒါကြောင့် la maison
လို့သုံးတယ် ခဲတံဆိုရင်အထီး ဒါကြောင့် le crayon လို့သုံးတယ်။ ဒါနဲ့ ပြင်သစ်သင်တန်းတစ်ခုမှာ သင်တန်း သားကဆရာမကိုမေးလိုက်တယ် ။ ကွန်ပျူတာက အထီးလားအမလားပေါ့။ ဆရာမကလဲကွန်ပျူတာက အထီး လားအမလားမသိ။အဘိဓာန်ရှာကြည့်တော့လဲ မပါ ။

ဒါနဲ့ဆရာမက သင်တန်းမှာရှိတဲ့သင်တန်းသားတွေကို ယောင်္ကျားလေး၊ မိန်းကလေးခွဲလိုက်ပြီးတော ကွန်ပျူတာအထီးဖြစ်သင့်ကြောင်း အမဖြစ်သင့်ကြောင်းအဆိုနှစ်ခုတင်ခိုင်းတယ်။ အဖွဲနှစ်ဘက်စလုံးက အကြောင်းပြချက်လေးခု တင်သွင်းရမယ်တဲ့

ယောင်္ကျားများအဖွဲ့က ကွန်ပျူတာဟာ အမဖြစ်သင့်တယ်လို့တင်သွင်းတယ်
ဘာလို့လဲဆိုတော့

(၁) ကွန်ပျူတာတွေကို တီထွင်သူများသာလျှင်ကွန်ပျူတာများရဲ့ အတွင်းသဘောကိုကောင်းစွာနားလည်နိုင်ပြီး မိန်းမများရဲ့အတွင်းသဘောကိုကောင်းစွာနားလည်နိုင်သူမှာ မိန်းမများကို ဖန်ဆင်းသော ထာဝရ ဘုရားသခင် သာလျှင်ဖြစ်နိုင်သည်။ ထို့ကြောင့်ကွန်ပျူတာသည် အမသာဖြစ်သင့်သည်။
(၂) တခြားကွန်ပျူတာတွေနဲ့ ဆက်သွယ်ရာမှာသုံးတဲ့ သူတို့ရဲ့ ဘာသာစကားကို တခြားဘယ်သူမှ နားမလည် နိုင်သလို မိန်းမသားအချင်းချင်းနားလည်နိုင်တဲ့ ဘာသာစကားကိုလည်း တခြားဘယ်ယောင်္ကျားမှ နားမလည် နိုင်ပါဘူး ။ထို့ကြောင့်ကွန်ပျူတာသည် အမသာဖြစ်သင့်သည်။
(၃) ဘယ်လောက်သေးငယ်တဲ့အမှားမျိုးပင်ဖြစ်လင့်ကစားလိုအပ်လျှင်ပြန်အစဖော်လို့ရအောင် ကွန်ပျူတာရဲ့ မှတ်ဥာဏ် ထဲမှာသိမ်းထားနိုင်သလို မိန်းမသားတွေရဲ့ မှတ်ဥာဏ် ထဲမှာလဲ လိုအပ်ရင် အစဖော်နိုင်အောင် အမှားသေးသေးလေးတွေကို ရေရှည်သိမ်းထားတက်တယ်။ ထို့ကြောင့်ကွန်ပျူတာသည် အမသာဖြစ်သင့်သည်။
(၄) ကွန်ပျူတာတစ်လုံးဝယ်လိုက်တာနဲ့ နောက်ပိုင်း အပိုပစ္စည်းပေါင်း သောင်းခြောက်ထောင်အတွက်လိုက်ရတဲ့ ငွေပမာဏကများသလို မိန်းမတစ်ယောက်ယူလို့ ထပ်ကုန်ရတဲ့ငွေ ပမာဏကလဲများတယ်လေ။ ထို့ကြောင့် ကွန်ပျူတာသည် အမသာဖြစ်သင့်သည်။

အဲသလိုယောက်င်္ကျားတွေ အဆိုတင်သွင်းပြီးချိန်မှာ မိန်းမတွေဘက်က အကြောင်းပြချက်တွေကတော့

(၁) ကွန်ပျူတာက ကိုယ့်ဆီအာရုံရောက်လာအောင်ခလုပ်ဖွင့်မှရသလို ယောင်္ကျားတွေ အာရုံကိုယ့်ဆီ စိုက်အောင် သူတို့ရဲ့ ရာဂ ခလုပ်ကိုဖွင့်ရတယ်။
(၂) ကွန်ပျူတာထဲမှာ သတင်းအချက်လက်တွေရှိပေမယ့် သူ့ဘာသူ အလုပ်မလုပ်သလို ယောင်္ကျာတွေဟာလည်း သိတာတွေများပေမယ့် သူတို့ဘာသူတို့ဆို ဘာမှမလုပ်တက်ဘူး
(၃) ကွန်ပျူတာဟာ ပြဿနာတွေ ရှင်းပေးနိုင်ပေမယ့် သူတို့ကိုယ်တိုင်က ပြဿနာ အထုပ်ကြီးဖြစ်နေသလို ယောကျာင်္းတွေ ကလည်းပြဿနာကိုရှင်းမလိုလိုနဲ့ သူတို့ကိုယ်တိုင် ပြဿနာထုပ်ဖြစ်နေတယ်တာရယ်
(၄) ကွန်ပျူတာတစ်လုံးဝယ်ပြီးကာမှာ လက်ထဲရောက်ရောက်ချင်း နောင်တရတက်တာက နည်းနည်း လေးသာ စောင့်လိုက်ရင် ဒီထက်ကောင်းတဲ့ ကွန်ပျူတာရမှာဘဲဆိုတာ သိလာရသလို ယူပြီးမကြာခင်မှာဘဲ နဲနဲလေးသာ စောင့်လိုက်ရင်ဆိုတဲ့ အတွေးမျိုးပေါ်လာနိုင်တာမို့ ကွန်ပျူတာသည် အထီးသာဖြစ်သင့်ပါတယ်ဆိုဘဲ

ပြင်သစ်ဘာသာစကားမှာတော့ နိုင်နေကျအဖွဲ့က နိုင်တာမို့ ကွန်ပျူတာသည်အမသာဖြစ်သွားပါတယ်။ စာဖတ်သူတွေကတော့ဘယ်မှာ ထားချင်ပါသလဲကွန်ပျူတာကို ဟတ် ဟတ် အထီးလားအမလား

မိန်းမတွေနိုင်တာမဆန်းပါဘူး သူတို့က လေးနှစ်တစ်ကြိမ်တောင် အမျိုးသမီးထုကြီးရဲ့ သဘော တူညီချက်နဲ့ဖေဖေါ်ဝါရီမှာ တစ်ရက်တိုးပြီးစကားပြောတာကို ဟုတ်တယ်မလား

Posted in: | 3 ဝေဖန်ခဲ့ပါပြီ | |

လူတွေနှင့်စိန်ပြေးတမ်းကစားခြင်း

Monday, June 30, 2008 by KO WAI

ဘ၀ကလဲညစ်ပါတ်စုပ်ပြတ်နေလိုက်တာ
နှစ်နှစ်ဆယ်ကျော်လောက်
မလျှော်ဖွတ်ဘဲ ထားခဲ့မိတာကို
ငါဖမ်းလို့မမိတဲ့စကားလုံးတွေက
ငါ့ကိုပြန်လိုက် ပြေးလိုက်ရတာ
ဟောဟဲလိုက်နေဘီ
ငါ့အဘိဓာန်နဲ့ငါဆိုပြီး
လျှောက်လိုက်တဲ့လမ်းတွေ
တစ်ခါတစ်ခါဘယ်ရောက်နေမှန်းမသိ
ငါကလူတွေကိုရယ်မောတယ်
လူတွေကငါ့ကိုရယ်မောတယ်
ဒီလိုနဲ့ဘဲ သူမှန်သလိုကိုယ်မှန်သလို
ငါကတော့ ငါမှန်တယ်ထင်နေတုန်း
လူတွေကငါမှားတယ်ပြောကြတုန်း
.......

Posted in: ကဗျာ | 1 ဝေဖန်ခဲ့ပါပြီ | |

“သူ” သို့မဟုတ် အဝေးရောက်တမ်းချင်း

Wednesday, June 18, 2008 by KO WAI

“သူ” ဆိုတာကျနော့်ရဲ့ လက်တွေ့ဘ၀ထဲကိုဘယ်တော့မှ ၀င်ရောက်မလာတော့မယ် “သူ” ဆိုပါတော့ ။ သူနဲ့ပါတ် သက်ရင် ကျနော့်မှာ ပြောစရာအကြောင်းအရာတွေ ပြောပြစရာတွေအဆုံးစမဲ့ရှိနေတယ်လေ။ ဒါပေမယ့်သူက တော့ ကျနော့်ကိုအကြိမ်ကြိမ်ငြင်းပါယ်ခဲ့ပါတယ်။ ဒါပေမယ့်ကျနော်ကတော့ ကျနော့်နှလုံးသားရဲ့ အခန်းလွတ်တစ် ခုကို သူ့ အတွက် ယနေ့ထက်တိုင်ဖယ်ထားဆဲပါ မည်သူ့ကိုမှနေရာမပေးဝင်ခွင့်မပေးဘဲ သော့ခတ်ထားဆဲ ဆိုတာတော့ သူသိချင်မှလဲသိမှာပေါ့လေ။

သူ ဘယ်လိုပင်ငြင်းပယ်နေပါစေ သူဒီတိုင်းပြည်ကထွက်ခွာသွားသည့်အချိန်ကနေ ယနေ့အထိ Internet သုံးလို့
ရတဲ့ အချိန်တိုင်း ကာလတိုင်းမှာ သူ့အတွက် မနက်ခင်းဆုမွန်ကောင်းလေးတွေတောင်းပေးဖို့ မပျက်ကွက်အောင်
ကျိုးစားခဲ့တယ်။ ဘာကိုမှရစေတော့ရယ်လို့ ဆိုတဲ့ မျှော်လင့်ချက်မျိုးနဲ့ လုပ်ခဲ့တာ မဟုတ်ပါဘူး။ သူ့အနေနဲ့
မြန်မာပြည်နဲ့ အဝေးဆုံးမှာရှိနေတဲ့အချိန်မှာ သူ့ကို အမြဲသတိရနေတဲ့မိတ်ဆွေတစ်ယောက်က ထာဝရ ဆုလေး တွေတောင်းပေးနေတယ်ဆိုတဲ့ ခံစားချက်ကလေးနဲ့ သူကို့နွေးထွေးစေချင်ယုံသက်သက်ပါဘဲ....

ဒါပေမယ့်ဗျာ ကျနော်နောက်ဆုံးရလိုက်တဲ့ ရလဒ်ကတော့ သူ့ ဆီကစကားလုံးကြမ်းကြမ်းတွေပါဘဲ ။ သူ့ကို အငြိုး ကြီးကြီးနဲ့ ဒုက္ခပေးဖို့ လိမ်နေတာဆိုတဲ့ စကားလုံးမျိုးအထိကို ရက်ရက်စက်စက်ပြောလာတဲ့အထိဘဲလေ။ တကယ်တော့သူဘယ်လိုမှာ စိတ်ကူးလို့မရတဲ့ လူတစ်ယောက်ဆီက ဒီလိုအပြုမူတွေဟာ သူ့အတွက်စိတ် အနှောက်အယှက်ဖြစ်စရာတွေ ဆိုတာဖြစ်ခဲ့ရင် ကျနော့်ကြောင့် သူ့မနက်ခင်းတွေ အုံ့မှိုင်းခဲ့တယ်ဆိုရင် ကျနော် တကယ်ကိုစိတ်မကောင်းပါဘူးဗျာ။ ယောင်္ကျားမှန်ရင်မျက်ရည်မကျရဘူးဆိုတဲ့ ဘယ်သကောင့်သားက ချမှတ်ခဲ့ မှန်းမသိတဲ့ စည်းမျဉ်းကြီးသားမရှိခဲ့ရင် သူ့ဆီက စကားလုံးတွေကြားရတဲ့နေ့က......

တကယ်တော့ဒီကနေ့အထိ သူ့ဘက်ကမှန်ခဲ့ပါတယ်။ ပြတ်ပြတ်သားသားလဲ ပြောသင့်တာကို ပြောခဲ့ပါတယ် ။ ဒီအတွက်လဲ ကျနော်ကကျေးဇူးတင်ပါတယ် ချစ်ဟန်ဆောင်ပြီးကြိုးရှည်ရှည်နဲ့လှန်ထားတာထက်စာရင် အများကြီး ကောင်းတာဘဲလေ.....ဒါပေမယ့် မေတ္တာတရားဆိုတာ စီးပွားရေးလုပ်သလို ဒီလုပ်ငန်းကိုရှုံူးမယ်မှန်း သိနေလို့ နောက်လုပ်ငန်းတစ်ခုနဲ့ ကာမိအောင်လုပ်လို့ရတာမျိုးမှမဟုတ်ဘဲ။ အရှုံးမြတ်တွက်လို့ရတာမျိုးမှ မဟုတ်ဘဲလေ။ သူ့ဘက်က မဖြစ်နိုင်ဘူးဆိုပေမယ့် အစားထိုးခွင့်မပေးတဲ့ ကျနော့်ခံစားမှုကို ကျနော်က ဘယ်လို ပြောင်းလို့ရမလဲ။ ဒီတော့လဲဗျာ အတင်းအစားထိုးနေမယ့်အစား နှလုံးသားရဲ့ အခန်းငယ်တစ်ခုကို မပြန်လာမှန်း သိတဲ့သူအတွက် ထာဝရ ဖယ်ထားလိုက်တာ အကောင်းဆုံးဘဲမဟုတ်လား။ ကျနော်က တော့ သူ့အတွက် ဒီအခန်းလေးကို ထားဝရ သန့်စင်ထားလျှက်ပါ။

အိုဗျာ ရှင်းရှင်းပြောရရင် သူအိမ်ထောင်ပြုခဲ့ရင်တောင်မှ သေတစ်ချက်၊ ကွဲတစ်ချက်တော့ မျှော်လင့်လို့ရပါသေး တယ် ..... ဒီလိုဆုတောင်းတာမဟုတ်ဘူးနော် ဆုလဲဆုမတောင်းကောင်းပါဘူး ဒီလိုဖြစ်ခဲ့ရင်တောင်မှ သူချစ်တဲ့ သူနဲ့ ထာဝရ ပျော်ရွင်နိုင်ပါစေလို့ဆုတောင်းရင်းနဲ့ဘဲ ကျနော့်နှလုံးသား အခန်းငယ်ကို သူ့အတွက်ဖယ်ထားပေး နေမှာပါ.......

Posted in: | 6 ဝေဖန်ခဲ့ပါပြီ | |

အဖေ

Monday, June 16, 2008 by KO WAI

ဒီစာတွေဟာ ကျနော့်ရေးတာ မဟုတ်ပေမယ့် အဖေနဲ့ပါတ်သက်တဲ့ အကြောင်းတွေကို ကျနော်ပြောချင်တာတွေ ပြောပြထားသလိုကိုခံစားရတယ်လေ ။ တကယ်တော့ ကျနော့် အဖေဟာ လူချမ်းသာတစ်ယောက်မဟုတ်ပါဘူး ဒါပေမယ့် ကျနော့် မိသားစု တစ်ခါမှ ၀မ်းရေးအတွက်မပူပန်ခဲ့ရဖူးဘူး ၊ နှစ်နှစ်ဆယ်ကျော်ကျနော်ရှင်သန်နေတာ
အဖေ့အတွေးအခေါ်တွေနဲ့ပါ ။ အဖေဟာ ဆိုကရေးတီးလို ကွန်ဖြူးရှပ်လို သူ့တွေခေါ်တွေ ကမ္ဘာမပါတ်နိုင်ပေမယ် ကျနော့်အတွက်တော့ တန်ဖိုးမဖြစ်နိုင်တဲ့ ဆုံးမစကားတွေဖြစ်ခဲ့တယ်။ အဖေနဲ့ ကျနော် ဆန့်ကျင်ဘက်များစွာ ဖြစ်ခဲ့ဖူးပေမယ့် ကျနော့် အပေါ် ဘယ်သော အခါမှ အပြစ်မယူခွင့်လွတ်နေတက်တဲ့ လူသားတစ်ဦးကို ဒီပိုစ့်လေးနဲ့ ဘဲ ဦးညွတ်ဝပ်တွားလိုက်ပါတယ်.......

အဖေ

* ဖေချစ်တို့ ဖေခင်တို့ ဆိုတာ ရှိတော့ ရှိတယ် ရှားတယ်ဆိုတာမျိုးလိုပါ ။
* အလုပ်မှာ တစ်နေကုန်နေရတော့ အဖေ့ကို နေ့စဉ် ရင်ခွင်ပိုက် နို့ချိုတိုက်ခဲ့တဲ့ အမေ့လောက်တော့ ချစ်အားမပိုတာ ဓမ္မတာ ဖြစ်နိုင်ပါတယ် ။
* အဖေဆိုတာလည်း သားသမီးကို ချစ်လျက်နဲ့ ကြောက်အောင် နေပြရတဲ့ ဖန်တီးရှင်မဟုတ်ပါလား ။
* ဒါပေမဲ့ အဖေသာ ရှင်ဘုရင်ကြီးဖြစ်ခဲ့ရင် သားသမီးတွေဟာ အိမ်ရှေ့စံမင်းသား ၊ မင်းသမီးလေးတွေ ဖြစ်လာနိုင်တာပေါ့ ။
* အဖေက ချမ်းသာကြွယ်ဝပြန်တော့လဲ သူဌေးသားသမီးတွေ ဖြစ်ပြန်တာပဲ မဟုတ်လား ။
* အဖေက ကုသိုလ်ရဖို့ ၊ ပညာရဖို့ ၊ ငွေရဖို့ထက် မိသားစုတာဝန်ကျေဖို့ အလုပ်လုပ်နေတာပါ ။
* ဆူးမွေ့ယာလဲ မအိပ်ခဲ့ ၊ ပန်းမွေ့ယာလဲ မစံခဲ့ရပေမဲ့ မငြီးရှာ နှီးဖြာလေးပေါ်က မိသားစုသိုက်မြုံလေးကိုတော့ အဖေ့ဦးနှောက်နဲ့ ကြွက်သားတွေပေါ်မှာ သာယာဖူလုံမှုများနဲ့ လွမ်းခြုံနေနွေးထွေးစေပါတယ် ….။
* ဖောက်ပြန်မှုကင်းမဲ့စွာနဲ့ နှစ်ကိုယ်ပေါင်းတစ်စိတ် နှစ်ယောက်ပေါင်းတစ်ဘ၀ဇြစ်အောင် မေတ္တာတွေ အစဉ်အပိုင်ပေးပြီး အမေ့အတွက်နားလည်မှုအရှိဆုံးဟာ အဖေရယ်ပါ ..။
* အိမ်နီးချင်းဆိုတာ ကလေးချင်းကြောင့် မိန်းမချင်းကြောင့် ခြံမြေတွေကြောင့် စကားများတတ်တယ်ဆိုတဲ့ အဖေ့စကား မိသားစုတိုင်း အလွန်မှတ်သားလိုက်နာသင့်တဲ့ အချက်တွေပါ ..။
* သောက်တယ်ဆိုတာ ” အိမ်ထောင်ရေး ၊ စီးပွားရေး ၊ ကျန်းမာရေး ၊ လူမှုရေးတွေကြောင့် မပျက်စီးစေရဘူး ” ဆိုတာ အဖေ့နီတိ ( လမ်းညွန်) ပါ …။
* အဖေဟာ အလှချစ် ဓနအချစ်မပါ မေတ္တာချစ်သက်သက်နဲ့သာ အိမ်ထောင်ရေးကို တည်ထောင်ထားသူပါ …။
* ဒါကြောင့် အဖေ့မိသားစုဟာ ငွေမချမ်းပေမယ့် စိတ်ချမ်းသာတဲ့ လူတန်းစားမှာတော့ ထိပ်ဆုံးကပါ …။
*ကြွေးဟောင်းလဲဆပ် ကြွေးသစ်ထပ် နှစ်ရပ်တာဝန် ကျေပွန်ခဲ့တဲ့ အဖေ …။
* သားသမီးဆန်းသမျှ နွမ်းလှတဲ့ အ၀တ်လေးတွေနဲ့ တင့်တယ်နေတဲ့ အဖေ …။
* သားသမီးကို ပခုံးပေါ်တင် ဆံပင်ကိုကိုင်စေပြီး စတိုင်ကျကျ ပွဲပြခဲ့ဘူးတဲ့ အဖေ …။
* သားသမီးအတွက်ဆို အသာမစံ အနာသာခံ သက်သက်ဟာ အဖေလို မိဘတွေမှလွဲလို့ အခြားမရှိ..။
* ရေချိုးတော့ချမ်း အဖေ့ပုဆိုးကြမ်းလေးနဲ့ နွေးထွေးခဲ့ဘူးတယ် …။
* အဖေက ကောင်းစေချင်လို့ ဆုံးမသမျှ အသားနာစေခဲ့ပေမဲ့ ဘ၀မနာစေရပါဘူး …။
* ခုတော့ အဖေ့မှာ ခေတ်ဆန်ပညာတတ်သားသမီးတွေကြား ရှေးရိုးအဘိုးကြီးဖြစ်ခဲ့ရပါပြီ …။
* ရွေပုံ ငွေပုံဘေးမှာ မြေးကိုထိန်း ပေးတာယူ ကျွေးတာစား လှိုင်သောအပြုံးစကားများနဲ့ နှောလို့ အားနာနေတာလား ———အားငယ်နေတာလား ——အဖေရယ် …..။
* အဖေ…..ရေ ခေါ်လို့ ထူးမည့်သူမရှိတဲ့ တစ်နေ့မှာ အဖေ့ပုံရိပ်တွေက လှိုင်သောအပြုံးစကားများနဲ့ စောင့်ရှောက်ပေးနေအုန်းမှာပါ ….။
* ဒီလောကကြီးထဲမှာ အဖေနဲ့ တူတဲ့ အဖေမျိူးတွေ တဖြုတ်ဖြုတ်ကြွေလွင့်သွားကြရင်တောင် များများကြီး ရှိရှိလာနိုင်ပါစေလို့ ဆုတောင်းလျှက် ……………………………………………………..။

လေးစားစွာဖြင့်( တာတေ )
ဒီပို့ကို ရေးတဲ့ ဘယ်ကမှန်းလဲမသိသော ဘယ်သူမှန်းလဲမသိသော ကိုတာတေကိုလဲကျေးဇူးတင်ပါတယ် ။ ကျနော့်အဖေနဲ့ မတိုက်ဆိုင်တာက အဖေဟာ အရက်မသောက်တက်တာရယ် မြေးမချီရသေးတာရယ်ပေါ့လေ...

Posted in: | 0 ဝေဖန်ခဲ့ပါပြီ | |

သြော် မိန်းမ မိန်းမ

Wednesday, June 11, 2008 by KO WAI

မိန်မဟူဘိ ထိုကတ္ကိက မရှိမကောင်းရှိမကောင်း မပေါင်းလဲခက် ပေါင်းလဲခက်၏ ဆိုတဲ့ မန်လည်ဆရာတော်ဘရားကြီးရဲ့စာသားလို ဆရာတော်ဘုရားကြီးရဲ့ အမြင်လို ကျနော်တို့ ဘလောက်ဂါ ပုရိသ တို့ရဲ့ အမြင်လေးတွေပါ ကျန်တဲ့ဘလောက်ဂါများလဲဖတ်ပြီး ကိုယ့်အမြင်လေးတွေကိုဝေမျှရအောင် ကွန့်မန့်လေးများပွတ်ခဲ့ပါနော်

ယောင်္ကျားတွေကို နူးညံ့သိမ်မွေ့စေတဲ့ သက်ရှိဖြစ်နိုင်သလို ရိုင်းစိုင်းခက်ထန်သွားစေနိုင်တဲ့ သတ္တ၀ါတစ်မျိုးလည်းဖြစ်တယ်.

လောလောဆယ်တော့ ချစ်စရာလေးတွေလို့မြင်နေတာခက်တယ်

ဟတ် ဟတ်
(ကိုရန်)

မိန်းမတွေက တစ်ခါတစ်လေမှာ ကာတွန်းစာအုပ်နဲ့တူပြီး တစ်ခါတစ်လေမှာ ကျမ်းစာတစ်အုပ်လောက် ဖတ်ရခက်တယ်
(မင်းယွန်းသစ်)

မိန်းကလေးတွေက မရှိမကောင်း၊ ရှိမကောင်း
(၀င်းဇော်ထက်)

မိန်းမတွေ စိတ်က မြန်မာပြည်ရဲ့ လျှပ်စစ်မီးလိုပဲဗျ...

ကောင်းချင်ရင်ကောင်းတယ်

မကောင်းချင်ရင် ချက်ချင်း

ဗို့အားနည်းတယ်

များချင်ပြန်လဲ

ပျက်သွားလောက်အောင်ကို များတယ်

ခုလာနေပေမယ့်နက်ဖန်မလာဘူး

လာမဲ့ရက်လဲမလာ
(ဖိုးသူတော်)

မိန်းမတွေကိုကြောက်တယ်

မာယာများတယ်လိမ်ညာတယ်

လှည့်စားတယ်ငွေမက်တယ် အဆင့်အတန်းခွဲတယ်

လိုတာရှိရင် ညုတယ်

လိုချင်တာမရှိရင် ကန်တယ်

(ဇင်ကိုလတ်)်

ကျွန်တော်အတွက်တော့ မိန်းမဆိုတာ... နားလည်ရခက်တဲ့ လူသားပါပဲ။ အဲဒါကို မာယာလို့ ပြောရမလားဆိုတာကိုတော့ ကျွန်တော်လည်း မဝေခွဲတတ်ပြန်ဘူး။

ပေးဆပ်တဲ့ အချစ်တွေနဲ့ ဖြူစင်သန့်ရှင်းခဲ့တဲ့ လူသားတစ်ယောက်ကို တန်ဖိုးမထား ပစ်ပယ်ရှောင်ခွာခဲ့တာ မာယာပဲလား။ အရိပ်တကြည့်ကြည့်နဲ့ ပန်းပျိုးခဲ့တဲ့လက်ကို ရက်ရက်စက်စက် ပုတ်ထုတ်ခဲ့တာ မာယာပဲလား။ အလိုလိုက်လို့ အမိုက်စော်ကားခဲ့တာ မာယာပဲလား။ နားလည်ရခက်တဲ့ မျက်ဝန်းတွေကြားမှာ အကြင်နာတွေ ပိုခဲ့ရတဲ့ အဖြူရောင်နေ့ရက်တွေကို ပြန်စဉ်းစားရင်း... မာယာ မာယာ မာယာ...

မိန်းမတိုင်းမှာ မာယာဆိုတဲ့ အမူအကျင့်လေးက အနည်းနဲ့အများတော့ ရှိကြပါတယ်။ တချို့က ထုတ်မသုံးကြပါဘူး။ တချို့က မသိမသာလေး သုံးကြပါတယ်။ တချို့ကျတော့ ရည်ရွယ်ချက်ရှိရှိနဲ့ စနစ်တကျ အကွက်ချပြီး သုံးကြပြန်တယ်။ တချို့ကတော့ တစ်စုံတစ်ခုကြောင့် မသိစိတ်မှာ မာယာလေးတွေ များနေတတ်ပါတယ်။ တချို့က မာယာများတယ်လို့ ပြောရင် စိတ်ဆိုးတတ်ကြပါတယ်။ တချို့ကျတော့ မာယာများတဲ့ မိန်းခလေးလို့ အပြောခံရရင် ဂုဏ်ယူနေတတ်ပြန်ရောဗျာ။

အင်း... မိန်းမဆိုတာ မာယာတွေနဲ့အတူ ယှဉ်တွဲနေတဲ့ လူသားတစ်မျိုးလို့ပဲ မှတ်ချက်ချမိခဲ့ရင်....
(ကိုဂျူလိုင်)်

Posted in: | 11 ဝေဖန်ခဲ့ပါပြီ | |

တိုလီသို့အိတ်ဖွင့်ပေးစာ

Friday, June 6, 2008 by KO WAI

ကိုဂေါက်နှင့်ကိုဝေမှ

မိတ်ဆွေကြီးတိုလီ ရဲ့ သင်ပျော်ရွင်နေသလား ဆိုတဲ့ ပိုစ့်ကို ကျနော်ဒီကနေ့ဘဲ သွားဖတ်ဖြစ်ပါတယ်။
အဲလိုဖတ်ကြည့်တဲ့အခါမှာ ကားလမ်းမပေါ်ကို ပစ်ချပေးကမ်းလှူဒါန်းသွားတာရဲ့ အကျိုးဆက်တွေကိုဆရာတော် ဦးကောသလ္လရဲ့ဝေဖန်ထောက်ပြချက်တွေအကြောင်းတွေ့ရသလို ကိုတိုလီရဲ့ မိတ်ဆွေများဟာ လေဘေးသင့် နေတဲ့ ဧရာဝတီတိုင်းဘက်ကို ကိုယ်ပိုင်ကားတွေ တစီတတန်းနဲ့ picnic ထွက်သလို ထွက်နေကြတဲ့ သူတွေ ရှိလို့ပါ။ ပြီးတော့ သူတို့ ကြည့်ရတာ ဒုက္ခသည်တွေကို စာနာတာထက် ခရီးထွက်ရတာကို ပိုပျော်နေကြတဲ့ပုံ ပေါက်နေကြပါတယ်။ လို့ရေးထားတာတွေ့ရပါတယ်။

အဲဒီစာကြောင်းနဲ့ပါတ်သက်ပြီး ကျနော်နဲနဲဆွေးနွေးလိုတာက မိတ်ဆွေများလှတဲ့ တိုလီ ရဲ့ သုံးသပ်ချက်ဟာ ဘယ်မိတ်ဆွေတွေကိုရည်ညွန်းသလဲ ဆိုတာကို ရေးသင့်တယ်လို့ယူဆပါတယ်... ဘာလို့လဲဆိုတော့ လက်ရှိ လှူဒါန်းလုပ်ကိုင်ဆောင်ရွက်နေတဲ့ တိုလီ မိတ်ဆွေတွေ ဟာ သို့လောသို့လောအတွေးများဖြင့် မိမိတို့ လုပ်ရပ်များအပေါ် ပြန်လည် သုံးသပ်နေလျှက်ရှိပါတယ်။ ဥပမာက တိုလီ မိတ်ဆွေများအဖွဲ့ထဲက
"ငါတို့ ကားပေါ်ကနေ မုန့်တွေ လှမ်းကျဲတော့ လူတွေ လူတွေ မှ အများကြီး ၀ိုင်းလုကောက် နေကြတာ တော်တော် ပျော်ဖို့ ကောင်းတယ်"
ဟူသောစကားကို ပြောကြားခဲ့သူသည် ကျနော်တို့အဖွဲ့ထဲကလား ၊ ကိုညီလင်းဆက်တို့အဖွဲ့ထဲကလား ၊ ကိုမိုးလှိုင်ညတို့အဖွဲ့ထဲကလား ဒါမှမဟုတ် အခြားသော အဖွဲ့ထဲကလား ဆိုတာကို ပွင့်ပွင့်လင်းလင်း သိရရင် ပိုကောင်းပါတယ်။ တကယ်ဆို ကိုညီလင်းဆက်တို့ လုပ်ကိုင်ဆောင်ရွက်နေတာ တွေက ကျနော်တို့ထက်တောင် သာလွန်ကောင်းမွန်ပြီး တစ်နေရာထဲကို တစ်စိုက်မတ်မတ် ဆောင်ရွက်ပေးနေတဲ့အတွက် ပိုလဲ ထိရောက်တယ်လို့ ယူဆပါတယ် နောက်ပြီး သူတို့ရဲ့လုပ်ဆောင်ချက်တွေကို ကိုညီလင်းဆက် ကိုမျက်လုံး ဘလောက်တွေမှာ ရေးသားထားတာလဲ တွေ့နိုင်ပါတယ်။
အခုလိုဆောင်ရွက်ပေးနေတဲ့သူတွေဟာ အခြေအနေ အမျိုးမျိုး အခက်ခဲ အမျိုးမျိုး ကြားထဲကနေ စေတနာ အရင်းခံနဲ့ ဆောင်ရွက်နေတာဖြစ်ပြီး ကိုယ်ကျိုးစီးပွားအတွက် ပါတယ်မပါဘူးဆိုတာကို လုပ်နေသူ တွေသိကြပါတယ်။

အပျော်သဘော သွားတဲ့သူတွေ ရှိကောင်းရှိပါလိမ့်မယ်.. ဒါပေမယ့် လမ်းတလျှောက်မြင်ကွင်းတွေကိုတွေ့ရရင် ပျော်မှာလား လူသေကောင်တွေ တွေ့ရရင်ပျော်မယ်လို့ ထင်ကြလား၊ နေစရာ ခက်ခဲပြီးစား စရာမဲ့နေတဲ့ သူတွေကို မြင်ရရင်ရော ၀မ်းသာနေမှာလား၊ နာမကျန်းဖြစ်နေတဲ့ မိဘမဲ့ နေတဲ့ ကလေးလေးတွေရဲ့ မျှော်လင့်ချက်အပြည့်နဲ့ ကြည့်နေတဲ့ မျက်ဝန်းတွေတွေ့ရင် ပျော်ကြဦးမှာလား။ ကျွန်တော်တို့အားလုံး သော ကူညီဆောင် ရွက်နေသူတွေဟာ တခုတည်းသော မျှော်လင့်ချက်နောက်မှာ လိုက်ပါဆောင် ရွက်နေတာ ဖြစ်ပါတယ်။ အဲဒါကတော့ လေဘးသင့် တဲ့ ပြည်သူတွေကို အဆင်ပြေအောင် တခုခုလုပ်ပေး ချင်ကြတာဘဲဖြစ်ပါတယ်။ ကျွန်တော်တို့တွေအားလုံးသော အခြားအဖွဲ့တွေသွားရောက်ရတဲ့ ဒေ သ တွေကို ကျွန်တော်တို့တခါမှမရောက်ဘူးကြသလို ရေကူးမကျွမ်းကျင်တဲ့ သူတွေအားလုံး လူသူအရောက်အပေါက် နည်းတဲ့ ချောင်းကြား ၊ ပင်လယ်ဝတွေထိတိုင်အောင် လက်ရောက်ပေးကမ်းလိုတဲ့ ဆန္ဒတွေနဲ့ သွားလာနေကြတာပါ။ လမ်းပေါ်ကို ပစ္စည်းတွေ ပစ်ချလှူဒါန်းတဲ့ အပြု အမူတွေကို ပြီးခဲ့တဲ့ လကုန်နီးပါအထိ ကျွန်တော်တို့ ဘိုကလေး ကိုသွားရောက်တိုင်းတွေ့မြင်ရပါတယ်။ ကောင်းမွန်တဲ့လုပ်ရပ် ၊ မကောင်း မွန်တဲ့ လုပ်ရပ်လို့ ကျွန်တော်မငြင်းပေမယ့် အခုဆိုလုံးဝမရှိတော့တာတွေ့ရပါတယ်။ ဘာလို့လဲဆိုတော့ နိုင်ငံတော်က နေပြောကြားတဲ့ သုံးသပ်ချက်တွေက အလှူရှုင်တွေကို မလူးသာမလွန့်သာ ဖြစ်ရသလို၊ အကောင်းဘက်ကိုဦးတည်သွားတယ်လို့လဲ ကျွန်တော်မြင်ပါတယ်။ ပထမ အချိန်တုန်းက လမ်းတလျောက် ကမွတ်သိပ်နေတဲ့ မျက်ဝန်းတွေ၊ ဆာလောင်နေတဲ့ အကြည့်တွေ၊ မျှော်လင့်နေတဲ့ မျက်လုံးတွေဟာ ကျွန်တော် တို့ လက်ထဲက မုန့်တွေ ၊ အ၀တ်အထည်တွေ၊ အစားအသောက်တွေကို လွတ်ကျစေခဲ့တာအမှန်ပါ။ အခု တော့ တဖြည်းဖြည်းနဲ့ ငြိမ်သက် လာတဲ့ အခြေအနေတွေ၊ စာရိတ္တပျက်ပြားစေနိုင်တဲ့ အပြုအမူတွေလဲ ဖြစ်တဲ့ ပစ်ချလှူဒါန်းမှုတွေက အားလုံးရပ်ဆိုင်းသွားပါပြီ။ ဘယ်လိုဘဲ ဖြစ်ဖြစ် ကျွန်တော်တို့တွေကတော့ ပျော်လို့ပစ်ချခဲ့တာမဟုတ်ပေမယ့်၊ ကျွန်တော်တို့ ပေးခဲ့တာလေးတွေကို ကလေးတွေရရင် ပီတိဖြစ်ခဲ့ ရတာတော့ အမှန်ပါ။ တကယ်ပျော်ရဲ့လား သိရအောင်တော့ လိုက်ပါဆောင်ရွက်နေတဲ့ စေတနာ့ ၀န်ထမ်းတွေ အများစုက သိပါလိမ့်မယ်။ တကယ်ပျော်နေ လား ၊ တကယ်ဘဲ စည်းစိမ်တွေရစ်ပြီး အလှူဒါနတွေသွားလုပ်နေတာလားတော့ တိုလီရေ မင်း ငါတို့နဲ့တခေါက်လောက် ဖြစ်ဖြစ် တခြားအဖွဲ့နဲ့ တရက်လောက်ဖြစ်ဖြစ် တရက်ခရီးလောက်ဘဲ လိုက်သွားလိုက်ပါ။ မင်းရင်ထဲမှာ ဖြစ်လာတဲ့ အမှန်တရားကို ချရေးပေးပါ။ ဟိုလူပြောတယ် ဒီလူ ပြော တယ်၊ အာမခံတယ်မလုပ်ပါနဲ့ပျော်နေတဲ့ ပုံပေါက်နေကြတဲ့ သူတွေဆို တာ အလုပ်ကို ပြီးမြောက်အောင် လုပ်ပြီးခဲ့လို့ဘဲ ဖြစ်မှာပါ။ အသံဖမ်းတရားနာနေရမယ့်အချိန်မဟုတ်ပါဘူး။ သူများလုပ်တာ ဝေဖန်ပါ၊ ထောက်ပြပါ၊ တက်အားသ၍ ကူညီပါ။ လူဆိုတာ ကိုယ့် လိပ်ပြာ ကို သန့် ဖို့ အရေးကြီးတယ်၊ ငါတို့ က ဟုတ်လို့မခံမရပ်နိုင်ဖြစ်ပြီး ထရေးတယ်လို့ထင်ချင်ထင်၊ မင်းဘယ်လောက် နာဂစ် ဒုက္ခသည်တွေကို နှုတ်အား ၊ လူအား၊ ငွေအား တတ်အားသ၍ ထိထိရောက်ရောက် ဘယ်နှစ်ခါလုပ်ပေးပြီးပြီလဲ၊ မင်းတင်နေတဲ့ သမိုင်းကပေးတဲ့ တာဝန်တွေ ဘယ်လောက် ကျေခဲ့သလဲ မင်းကိုယ်မင်းပြန်မေးလိုက်။ ပြီးရင် ပျော်သလားမပျော်သလား မှန်ရှေ့မှာကြည့်လိုက်ပေါ့ကွာ။

Posted in: | 1 ဝေဖန်ခဲ့ပါပြီ | |

အမှတ်တရမှ အမှတ်တရ

Thursday, June 5, 2008 by KO WAI

ဘ၀မှာအမှတ်တရတွေ အများကြီးရှိတယ်ဆိုရင် ဒီကနေ့ ဟာ ကျနော့်ရဲ့ အမှတ်တရနေ့လေးတစ်နေ့ပေါ့လေ .... တစ်ခါတစ်လေ ဘ၀ရဲ့ အမှတ်တရရှိတဲ့အချိန်တွေမှာ လူတွေဟာ ဘယ်သူဖြစ်ဖြစ်ပေါ့လေ အမှတ်တရ အချိန်တွေ ပျော်စရာ အချိန်တွေကို ကိုယ့်ချစ်တဲ့ခင်တဲ့သူတွေ ကိုယ့်မိတ်ဆွေတွေနဲ့ဖြစ်ကျော်ချင်ကြတာပါဘဲ ဒါပေမယ့် အဆင် ပြေချင်မှပြေတာမျိုးလေ ဘ၀ဆိုတာ ကိုယ်ဖြစ်ချင်တိုင်းဖြစ်တာမှမဟုတ်တာ ဒီနေ့လဲ ကျနော့်ဘ၀ရဲ့ အမှတ်တရ နေ့လေးကို ကျနော်တစ်ယောက်ထဲဘဲ ဖြတ်ကျော်ခဲ့ရပြန်ပါဘီ ..... ဒီနေ့မှာ ဖြစ်နိုင်ရင် သူ့ဓာတ်ပုံလေးဖြစ်ဖြစ် သူ့အသံလေးဖြစ်ဖြစ် မြင်ခွင့်ကြားခွင့်ရချင်ပါတယ် ..... အော် အချိန်တွေလဲကြာခဲ့လေဘီ .... ဘာဘဲဖြစ်ဖြစ်လေ ခံစားမှုတစ်ခု ဟာ လူတိုင်းလွတ်လ ပ်စွာခံစားခွင့်ရှိပါတယ်

Posted in: | 0 ဝေဖန်ခဲ့ပါပြီ | |

တစ်ချိန်ကအရိပ်တစ်ခု

Saturday, May 31, 2008 by KO WAI

ကြာတော့လည်းကြာခဲ့ပါဘီ.......
ဒါပေမယ့်ဦးနှောက်ဆိုတာကလည်း ကွန်ပျူတာတစ်လုံး momory stick တစ်ခုလို လိုတာတွေဖယ် မလိုတာတွေ ဖြုတ်လုပ်လို့မရလေတော့ သတိမရချင်ပါဘူးဆိုတဲ့ အကြောင်းအရာတွေကလည်း အလိုလိုပေါ်လာ တက်တာ မျိုးဘဲလေ....

သူမကတော့ ဒီအချိန်မှာ ဒီအကြောင်းအရာတွေကို သတိရချင်မှရတော့မှာပေါ့ သတိရတော့မည် လည်းမထင်ပါ အရင်တစ်ချိန်ထဲက အမှတ်တရ မရှိခဲ့တာမျိုးလည်ဖြစ်နိုင်ပါသည်။

သူမကိုစတွေ့ခဲ့တဲ့ ညနေခင်းတစ်ခုဟာ တခြားသောညနေခင်းတွေနဲ့ ဘာမှပိုလို့ထူးခြားသောညနေခင်း တစ်ခု တော့မဟုတ်တာသေချာပါသည်။ သူမကြောင့်တော့ ညနေခင်းအကြောင်းကို မပြောချင်ဘူးဆိုပါတော့.... သို့သော် ထိုညနေခင်းလေး သည်ကျနော့်အတွက်တော့ အမှတ်တရ ဖြစ်ခဲ့တာ အသေအချာပင် ... ညနေခင်းတစ်ခုဆိုတာထက် ထိုညနေခင်းရဲ့ပြယုဒ်တို့ကို ပိုလို့ အမှတ်ရ နေခြင်းဘဲဆိုပါတော့...

ထိုညနေက သူမကို ကွန်ပျူတာတစ်လုံးအရှေ့တွင် စတင်ဆုံတွေ့ခဲ့ဖူးခြင်း ဖြစ်လေသည်။ အတိကျ ဆိုပါမူ ကွန်ပျူတာ သင်တန်းတစ်ခုဆိုပါတော့... ပထမဆုံး သတိထားမိလိုက်တာက တော့ သူမရဲ့ မျက်ဝန်းတွေပင် ဖြစ်လိမ့်မည်။ ကွန်ပျူတာ မော်နီတာပေါ်တွင် ဖြတ်ပြေးသွားသော သူမ၏ မျက်ဝန်း အရိပ်တွင်စိုးထိတ်မှုတွေ တွေ့နေရသည်။ သူနှုတ်ခမ်းတစ်စုံမှ အန်ကျလာသော မေးခွန်းကလဲ မှန်းဆမှုကို ပိုမိုတိကျစေရန် သက်သေခံလိုက်သည့်အလားပင် ....'' ကျမက ကွန်ပျူတာ မသုံးဖြစ်တာကြာဘီ အခုချိန်မှလေ့လာ လျှင်အဆင် ပြေပါ့မလား'' ဆိုတဲ့မေးခွန်းလေး လေ

မေးခွန်းထက်သူမဆီ က ချိုမိန်သာယာသော အသံသည် ကျနော့်ရဲ့ အကြားအာရုံကိုပိုမိုရစ်မူးစေတာမျိုးလည်းဖြစ် နိုင်ပါသည်။ ဒီနေ့အထိ ကျနော်ကြားဖူးသမျှ အသံတို့တွင် ထိုအသံသည် အချိုမိန်ဆုံးပင်....

ပုံစံလေးကိုလည်းကြည့်အုံးလေ ခာတ်ဆန်းသလားဆိုတော့လည်း သနပ်ခါးလေးက ပါးကွက်ကြားလေးနဲ့ ခောတ်နောက် ကျန်ခဲ့လားဆိုတော့လည်း ဂျင်းဘောင်ဘီ အရှည်တွေကို သူမရဲ့ကျစ်လစ်တဲ့ ကိုယ်ခန္ဓာလေးနဲ့ လိုက်ဖက် ညီစွာ ၀တ်ဆင်တက်ပြန်ရော ဒါကျနော်သူ့ကိုပထမဆုံးတွေ့ခဲ့တဲ့ ဆင်ယင်ထုံးဖွဲ့မှုတွေလေ....

အော် အခုတော့လည်း သူမနှင့်မတွေ့ဖြစ်တာ ၁ နှစ်နှင့် ၂ လပြည့်ဖို့ရက်ပိုင်းသာလိုတော့ပါလား.....
၁ နှစ်ကျော်ဟူသောအချိန်သည် လူတစ်ယောက်ကို များစွာပြောင်းလဲသွားစေနိုင်သည်ဘဲလေ.... ရောမ ကိုရောက် ရင်ရောမလိုကျင့်ရတယ်ဆိုသော သူ့စကားနဲ့ အတူ သနခါးနံ့ လေးတွေလည်း သူ့ပါး ပြင်ထက်ခိုကပ်ခွင့်မရတာ ကြာခဲ့ပါပေါ့...အော်ဒီအချိန်မှာ သူမကို ရှင်မတောင်သနပ်ခါးပင် တွေအကြောင်း ပြောပြနေလို့ကော ဘာ ထူးတော့မှာလဲ....
ကျနော်တွေခဲ့ဖူးတဲ့ သူ့ရဲ့မျက်ဝန်းတွေလည်း အရောင်ပြောင်းသွားနိုင်ပါသည်... သို့သော် မျက်ဝန်းဟောင်းတွေကို စွဲစွဲထင်ထင်ရှိနေသော ကျနော့် နှလုံးသားကိုတော့ ဒီနေရာမှာ ကျေးဇူး တင်ပါသည်။ သူမကတော့ ဒီအကြောင်း
တွေသိမည်မထင် သိလျှင် လည်း သတိရတော့မည်မထင်....

သို့သော်သူသည်သူဖြစ်ပြီး ကျနော်သည် ကျနော်ဖြစ်သောကြောင့် သူမသတိမရ သော်လည်း ကျနော် သတိရနေသည် သူမတွေး သော်လည်းကျနော်တွေးနေသည်ကံကောင်းခြင်းတစ်ခုကတော့ အလှဆုံးအသံ နဲ့ အလှဆုံးအကြည့်တို့ကိုကျနော်မြင်ဖူးခဲ့ခြင်းဖြစ်သည် ... သို့သော် ထိုအရာ သည်ကျနော်ပိုင်ဆိုင်ခွင့် မရနိုင်သော အရာများ ဖြစ်လို့နေ ပါသည်သို့သော်တိုးတိတ်စွာမျှော်လင့်နေမိသည်ကတော့ အမှန်ပင် ဒေါ်လာစား မဟုတ်ဘဲ ထိုအရာများကို မျှော်လင့်သောဇာတ်ကောင်သည် ၂၁ ရာစု၏ သွပ်သွပ်ခါရူးသွပ်နေသောသူ ဖြစ်ပါလိမ့်မည်.....

ဘာဘဲဖြစ်ဖြစ်ပေါ့လေ ကျနော်မြတ်နိုးသော အရာများကို ဘာနှင့်မှ တန်ဖိုးမဖြတ်ချင်ပါ....

Posted in: ကောင်မလေးသို့ | 2 ဝေဖန်ခဲ့ပါပြီ | |

သူနာပြုဘုရား

by KO WAI

ကိုယ်ရိပ်သဏ္ဍန် ညီအာနန်နှင့်
မြတ်မွန်ထွဋ်ထား၊ တို့ဘုရားသည်
တပါးသောခါ၊ ဒေသစာဖြင့်
တိုက်တာလှည့်ကာ ကြည့်သတဲ့
ကျီးသံသဲ့သဲ့၊ ယင်မဲ့မဲ့ဖြင့်
မွဲပြာညစ်ရောင်၊ ကျောင်းတစ်ဆောင်ကို
ဘုန်းခေါင်ဘုရား၊ ၀င်ကာသွားသော်
သနားစဖွယ်၊ ကျောင်းအလယ်တွင်
ကျင်ငယ်ကျင်ကြီး၊ တင်းကြမ်းစီးလျက်
ကိုယ်ထီးလျောင်းရှာ၊ ထေရ်သူနာကို
မြတ်စွာဘုရား တွေ့ပါသတည်း၊

အမိသည်သား ပြုသောလားသို့
ဘုရားမြတ်မွန် ညီအာနန်ကို
ချိုးရန်ရေတောင်း စောင်ပါတောင်းလျက်
သွန်းလောင်းသုတ်သင် ပြီးစီးလျင်မူ
ခေါင်းတွင်ဘုရား လက်တော်ထား ကာ
ညီဘွားခြေက ပြိုင်တူမလျက်
မြတ်လှနေရာ ညောင်စောင်းသာတွင်
ကောင်းစွာအိပ်စက်စေသတည်း။

ထို့နောက်ရှင်တော် စည်းဝေးခေါ်ကာ
မြွတ်ဖော်စကား မိန့်တော်ကြား၏
မိခြားဖဝေး တရပ်ကျေးတွင်
ချိုအေးကြည်သာ တရားရှာသည်
များစွာအပေါင်း ရဟန်းကောင်းတို့
ညံပျောင်ကြည်ဖြူ နာသောသူကို
ငါ့တူကြင်နာ ပြုစုပါက
မြတ်ရာရောက်လိမ့် ဧကန်တည်း။ ။

ဘုရားကတောင်သူနာပြုလုပ်တဲ့ ကဗျာလေးပါ ကြိုက်လို့တင်လိုက်တာ ရေးတာက တော့ မင်းသုဝဏ်ပါ ဗျာ ဒီအချိန်မှာ လိုအပ်နေတာ မြတ်ဗုဒ္ဓလိုနှလုံးသားနဲ့လူတွေပါ နေရာပေါင်းများစွာမှာလိုအပ်နေတာပါ ...

Posted in: ကဗျာ | 1 ဝေဖန်ခဲ့ပါပြီ | |

အိပ်မက်ပျောက်သောမျက်ဝန်းများ

Friday, May 30, 2008 by KO WAI

(ပုံကို ကိုညီလင်းဆက် ဘလော့မှ ကူးယူဖော်ပြပါသည်)

ဘ၀မှာ နှစ်နှစ်ဆယ်ကျော် ဖြတ်သန်းရှင်သန်လာပြီးတဲ့အချိန်မှာ မျက်ဝန်းပေါင်းမြောက်များစွာကို မြင်တွေခဲ့ဖူး ခဲ့လေဘီလေ..... လူတွေကပြောကြတယ်မလားမျက်လုံးဆိုတာ စိတ်ရဲ့ ပြတင်းပေါက်တဲ့လေ... လူတစ်ယောက်ဝမ်း သာရင်ဘဲဖြစ်ဖြစ် ၀မ်းနဲရင်ဘဲဖြစ်ဖြစ် သူ့ရဲ့ ခံစားမှုအရိပ်စစ်တွေကတော့ထိုမျက်ဝန်းတွေမှာပေါ်လာတက်တာ အားလုံးသိတဲ့အတိုင်းဘဲဆိုပါတော့.... ဒါပေမယ့် အကြည့်ပေါင်းမြောက်များစွာကိုမည်မျှပင်မြင်ဖူး တွေ့ဖူးနေပါစေ လူတစ်ယောက်ရဲ့ နှလုံးသားကို ကိုင်လှုပ်နိုင်စွမ်းရှိသော မျက်ဝန်းတစ်စုံကိုတွေ့ရဖို့ဆိုတာကတော အတော်ကိုခက် ခဲတယ်ဆိုတာ အားလုံးသိတယ်မလား မယုံရင် ပြန်စဉ်းစာကြည့်လေ အဲလိုကြုံခဲ့တာဘယ်နှစ်ခုရှိလို့လဲ... ဒါပေမယ့်
လွန်ခဲ့သော ၃ တူညီတဲ့ခံစားချက် တစ်ခုဆီကနေ ရိုက်ခက်လိုက်တဲ့ ပဲ့တင်သံတွေကတော့ ကျုပ်နှလုံးသားကို ထိခိုက်စေခဲ့တယ်ဗျာ...

ဘယ်လိုမျက်ဝန်းတွေလို့ ခင်ဗျားထင်ပါသလဲ။ ကျနော်ဗျာ လွန်ခဲ့တဲ့ ၃ ရက်လောက်က မုန်တိုင်ဒဏ်ခံခဲ့ရတဲ့ ဒေသ တွေထဲက မြို့ကလေးတစ်ခုကို ကျနော်သွားခဲ့တယ်လေ... နာဂစ်မုန်တိုင်းကြောင့် ပျက်စီးသွားတဲ့ ဒီမြို့ငယ် လေးကိုမရောက်ခင် ကျနော်တို့သွားရာလမ်းတစ်လျှောက်မှာ ရွာငယ်လေးတွေကို ဖြတ်သန်းသွားခဲ့ကြ ရတယ်လေ.... ဒီရွာငယ်ကလေးတွေလဲ မုန်တိုင်းဒဏ်နဲ့ဘယ်ကင်းပါလိမ့်မလဲ..... ဒီတော့ နေစရာအိမ်မရှိတော့တဲ့ ထောင်ပေါင်းများစွာသောလူလားတွေဟာ ဒီလမ်းတစ်လျှောက်မှာ ၀ါးတိုင်ချိနဲ့ ရိုင်ယွဲ့ယွဲ့ တဲငယ်လေးတွေဆိုတာ လဲ ရာပေါင်းများစွာပေါ့လေ သူတို့မှာ စားစရာကလဲ မရှိ လုပ်စရာအလုပ်ကလဲခက်နဲ့ ဒုက္ခပေါင်းများစွာနဲ့ပါဗျာ ..... အဲဒီလူသားတွေထဲမှာ တခြားဘယ်သူတွေပါသေသလဲလို့ဆိုတော့ ဘ၀ရဲ့ အစိတ် ပိုင်းပေါင်းများစွာဖြူစင်ကြရှာတဲ့ နုနယ်သောကလေးတွေဘဲလေ.....

ကျနော်တို့ကားလေးဖြတ်ရာ လမ်းတစ်လျှောက်မှာ မျှော်လင့်ချက်တစ်စုံတစ်ရာအတွက် အားကိုးအားထားတစ်ခု အနေနဲ့ကမ်းလင့်လိုက်တဲ့ သူတို့ရဲ့မျက်ဝန်းတွေ အားငယ်နေတဲ့သူတို့ရဲ့ မျက်ဝန်းတွေ ဟာ ကျနော်တို့သွားရာလမ်းတစ်လျှောက်မှာ နေရာတွေသာ ပြောင်းသွားတယ် ကလေးငယ်တွေသာ ပြောင်းသွားတယ် အကြည့်တွေက တော့ ထပ်တူဘဲလေ.... ဒီလိုအချိ်န်မှာဘဲ ကျနော့်စိတ်ထဲကို အမျိုးအမည်မသိ တစ်ခါမှ မခံစားဖူးတဲ့ ဖတ်သော ဖတ်သတ် ဝေဒနာတစ်ခုကို ခံစားလိုက်ရတယ်..... ဒါကတော့ ကျနော်တင်မဟုတ်ပါဘူး လူသားချင်းစာနာတက်တဲ့ ဘယ်သူမဆို ဒီလို ခံစားမှုမျိုးကိုကြုံတွေ့ရမှာပါ... ဘာလို့ဒီဝေဒနာခံစားမိသလဲဆိုတော့ သူတို့လေးတွေရဲ့ အနာဂါတ်တွေဟာ ဘယ်လိုတွေဖြစ်ကုန်နိုင်မလဲလို့ စဉ်း စားလိုက်တိုင်း ဒီခံစားမူလေးကို ဖြစ်ကိုဖြစ်သွားတော့တာပါဘဲ..... ကဲ ဒါတွေဟာ ဘယ်သူ့မှာ တာဝန်ရှိလို့ဘယ်သူတွေဘာလုပ်ပေးသင့်သလဲ.... တကယ်တော

အိပ်မက်ပျောက်သောဒီမျက်ဝန်း

လေးတွေကိုဖြင့် ဘယ်လို့ပြန်လည်အသက်သွင်းကြမလဲဆိုတာ တွေးတောရင်း

Posted in: | 2 ဝေဖန်ခဲ့ပါပြီ | |

နာဂစ် အမှတ်တရ

Monday, May 26, 2008 by KO WAI

ဒီတစ်ခါမြန်မာပြည်မှာ ဖြစ်ခဲ့တဲ့မုန်တိုင်းကတော့ အတော်ကြီးကိုပြင်းထန်ခဲ့တာ အားလုံးလဲ အသိပါဘဲ ။ တကယ်တော့အားလုံးရေးပြီးမှ ကျနော် ဒီပို့စ်ကို ဘာလို့တင်သလဲလို့ဆိုရင် ကျနော့်မြို့ကနေ ကျနော်မနေ့ကမှပြန်ရောက်လာလို့ပါ။ ကျတော်တို့နေတဲ့မြို့လေးက ဧရာဝတီတိုင်းထဲက
မြို့သေးသေးလေးတစ်ခုပါ မုန်တိုင်းဒါဏ်ကို အတော်လေးခံခဲ့ရတဲ့မြို့ကလေးဆိုပါတော့ ဒါပေမယ့် မြို့ပေါ်မှာတော့ လူအသေအပျောက်မရှိသလောက် ပါဘဲ ဒါပေမယ့် ကျနော် တို့မြို့ကလေးနားက ရွာပေါင်းများစွာက လူပေါင်းများစွာကတော့ သေကြေပျက်စီးခဲ့ကြပြီဆိုပါတော့ .... ဒီအတွက်လဲ ကျနော်
အတော်ကလေးစိတ်မကောင်းဖြစ်သလို အားလုံးလဲစိတ်မကောင်းဖြစ်နေကြမယ်ဆိုတာကို သိနိုင်ပါတယ်.... ပြီးတော့ ကျနော့်မြို့ကလေးကိုပျက်စီး
ဘီအမှတ်နဲ့ ကျနော့်အတွက်ဝမ်းနဲပေးကြတဲ့ကျနော့်ရဲ့ မိတ်ဆွေ အပေါင်းအသင်းအားလုံးကိုလဲကျေးဇူးတင်ပါတယ်....
နောက်တစ်ခုက ဒီလိုနာဂစ်မုန်တိုင်းမှာ သေကြေပျက်စီးခဲ့တဲ့ အပြစ်မဲ့ လူသန်းပေါင်းများစွာအတွက် ကဗျာလေးတစ်ပုဒ်နဲ့ဝမ်းနဲ့ကြောင်းရေးခဲ့ပါရစေ....

ယမန်နေ့က ဒီနေရာဟာ
စည်ကားသာယာ
ရွာကြီးတစ်ရွာရှိခဲ့တယ်

ဒီကနေ့တော ဒီနေရာဟာ
လူသူချောက်ကပ်
ငိုသံစွက်လို့ ရွာပျက်ကြီးဘဲကျန်တော့တယ်

မုန်တိုင်းကပွေ ရေကမွှေလို့
ဒီရွာချောင်ဖျား ဒေသနားဟာ
သုသာန်အလားဖြစ်ခဲ့တယ်

ကျန်သည့်သူငယ် ဥမမယ် လည်း
ဘယ်လိုနေထိုင်စားရမယ်
(ဘယ်သူဘာလုပ်ပေးသင့်တယ်)၂
လိုအပ်တာတွေ လုပ်ကြမယ်
တက်နိုင်သလောက်ဝိုင်းကူကွယ်..........

ကယ်စယ်ရေးအတွက်ကြိုးပမ်းနေကြသော အဖွဲ့စည်းများနှင့် လေဘေးသင့် လူသားများအတွက်ရည်ရွယ်ပါသည်....... ထိုကဗျာခေါင်စဉ်ကို ကြိုက်သလို တပ်နိုင်ပါသည်......

Posted in: | 1 ဝေဖန်ခဲ့ပါပြီ | |

ဘ၀အမောများ

Friday, April 25, 2008 by KO WAI

ဘ၀ဟာ တစ်ခါတစ်ခါ အူကြောင်ကြားနိုင်တယ်
ကြယ်တစ်ခြမ်းလတစ်ခြမ်း အိပ်မက်တွေကိုစီးပြီးမှ
နေပူမရှောင်မိုးရွာမရှောင်ပြေးလွားနေရတယ်
ကဗျာရေးတဲ့သူဟာ တခြားကဗျာတွေကို
ခံစားပေးနိုင်စရာမလိုပါဘူး
ကိုယ်ကဗျာနဲ့ ကိုဘ၀ ကိုယ့်ရသ
အချိုးတကျရှိရင်ပြီးတာဘဲ
ကိုယ့်ချစ်သူက မိုင်ပေါင်းထောင်ချီတဲ့နေရာမှာ
ငါရေးတာက သူ့အတွက်ကဗျာ
ခက်တာက သူကဗျာမကြိုက်တာဘဲ
အင်းလေ တစ်ခါတစ်လေ အလိုက်အထိုက် ဆက်ဆံရေးထက်
ပွင့်လင်းမှုကိုအသားပေးတာ ကောင်ပါတယ်
သူမကြိုက်တက်ပေမယ့် သူ့အတွက်ကဗျာတွေ
ငါပိုင်တဲ့စာမျက်နှာမှာ ရေးခြစ်ခွင့်ရှိတယ်လေ
လိုချင်တာတွေများတဲ့ငါနဲ့
တောင်းဆိုသမျှကို ခါးခါးပြင်းပြင်းငြင်းတဲ့ လောက
နောက်တစ်ခါတွေ့မှ နားရင်းရိုက်ပြစ်မယ်
နောက်ဆုံတော့သေရင်ကိုယ်နောက်မပါမှာသိပါတယ်
ရှင်တုန်းမှာတော့ လူဆို တာ ဘီဂိတ်ထက်ချမ်းသာချင်ကြတာဘဲမဟုတ်လား
ဘာကိုမှ ရခွင့်မရှိရင်တောင်မှာ
ချစ်သူရဲ့ မျက်ဝန်းလေး ရယ် အပြုံးလေးရယ်ကို
ငါမသေခင် တွယ်တွယ်တာတာကြည့်ချင်တယ်

Posted in: | 0 ဝေဖန်ခဲ့ပါပြီ | |

ဖူးစာရှင်ဘယ်သူလဲ

Saturday, April 19, 2008 by KO WAI

ဖူးစာရှင်ကို ကြိုကြည့်ရအောင်

ဖတ်ဖူးတာလေး တစ်ခု ပါ ဒါပေမယ့် ကိုယ်တိုင်တော့လည်း မစမ်းဖူးဘူးဗျ .... ဘာလို့လဲဆိုတော့ သူက မိန်းကလေးတွေဘဲ လုပ်လို့ရတာ ဆိုတော့လေ..... ရိုးရာယုံကြည်မှုလေးတစ်ခုပေါ့ .... ကိုယ်ကကောင်လေး ဖြစ်နေရင်လည်း ကိုယ့်ကောင်မလေးကို လုပ်ခိုင်းပြီး မနက်ကျ ကိုယ့်ကို အိပ်မက် မက်မမက်ပြန်မေးကြည့် ပေါ့နော်

လုပ်ရမှာကဇန်န၀ါရီ ၂၁ ရက်နေ့ညမှာဆိုပါတော့ St .Agnes နေ့ညပေါ့လေ

လုပ်ရမှာကလည်း လွယ်လွယ်လေးပါ ပင်အပ်နှစ်ချောင်းကိုယူ ပြီးရင် ကိုယ့်ဆံပင်နှစ်ပင်ကိုယူ ပြီးရင် ပင်အပ်နှစ်ချောင်းကို ကိုယ့်ဆံပင်နဲ့ တွဲ ချည်ပြီး ကိုယ်အိပ်မဲ့ ခေါင်းအုံးအောက်မှာထားအိပ်... မအိပ်ခင် ချစ်သော St.Agnes ကိုယ့်အိမ်ထောင်ဖက်ဖြစ်လာမယ့်သူကို ဒီည မြင်ခွင့်ပေးပါ လို့ ဆုတောင်းအိပ်ရုံပါဘဲ

ကဲ့ ကိုယ်အိမ်ထောင်ဘက်ဘယ်သူဆိုတာ ကြိုသိနိုင်ကြပါစေ .......

Posted in: | 2 ဝေဖန်ခဲ့ပါပြီ | |

အိုင်ဒီယာ ဘယ်သူသတ်

Saturday, April 5, 2008 by KO WAI

ကျနော်ဘလောက်မရေးဖြစ်တာ ကြာတော့လည်းကြာခဲ့ပါဘီ ဘာလို့ ကြာသလဲလို့ဆိုတော့ ရေး စရာ အကြောင်းမရှိတာလဲပါတယ် မအားတာလဲပါတယ် ဗျ ... ရေးစရာ အကြောင်းမရှိတာ ကတော့ရှင်းပါတယ် ဘာလို့လဲဆိုတော့ကျနော်က ဘလောက်မှာ content က အသက်ဆိုတာ ကိုမယုံဘူးဗျာ ဘာလို့လဲဆိုတော့ ကိုယ့်ဘလောက်ကလေးကို လူတွေလာဖတ်တဲ့ အခါမှာ စာအသစ်ကလေးတွေတွေ့ရအောင်ဆိုပြီး အတင်းရေးနေတာဟာ အဓိပါယ်မရှိဘူထင်တယ် အဲဒါကြောင့်လဲပါတယ်ဆိုပါတော့ အခုတော့ စဉ်းစားမိတာလေးတစ်ခုကို ရေးချင်တာနဲ့ ရေးလိုက် တာပါ ....

ကျနော်စာလေးတစ်ပုဒ်ဖတ်လိုက်ရတယ်ဗျ အဲဒီမှာ ဘာရေးထားလဲဆိုတော့ ကလေးတွေဟာတဲ့ ကျောင်းကိုမရောက်ခင်အချိန်အထိ တီထွင်ဥာဏ်သိပ်ကောင်းကြပြီး ကျောင်းရောက်လို့ ဆရာက သင်တဲ့ စာတွေကို ဖတ်ဟယ်မှတ်ဟယ်နဲ့ လုပ်လိုက်တဲ့အချိန်မှာ တော့ သူတို့ရဲ့ တီထွင်နိုင်တဲ့ စွမ်းရည်လေးတွေ တစ်နည်းအားဖြင့်ထွင်ဥာဏ်လေးတွေ ဟာ အသုံးပြုချိန်မရလောက်အောင်ဖြစ်ပြီး ပျောက်ဆုံးကုန်ရတယ်ဆိုဘဲ .....

ဒီစာလေးကိုဖတ်လိုက်ရတော့ ကျနော့်စိတ်ထဲမှာ တစ်မျိုးဖြစ်သွားတယ် .... ခံစားမှုအသစ်တစ် မျိုးဆိုပါတော့ ဘယ်လိုဆိုတာပြောပြဖို့ကို အတော်ခက်တယ် စိုးရိမ်မှုတွေ ရော ကြောက်လန့်မှုတွေရော ရောပြွန်နေတဲ့ ခံစားမှုမျိုးဆိုပါတော့ .... ကျနော်တွေးကြည့်တယ်လေ ဒီကနေ့ မူုကြိုကျောင်းရဲ့ စာသင်ခန်းထဲမှာ အနာဂါတ်ကိုဖန် တီးမယ့် ချာတိတ်တွေ ၀လုံး ၀ိုင်းဝိုင်းလေးတွေရေးနေကြတယ်ဆိုတာ သေချာတယ်ဗျာ ....
ဒါပေမယ့်ပေါ့ တကယ်တန်းမှာ ဒီ် ၀လုံးဝိုင်းဝိုင်းလေးတွေဟာ မနက်ဖြန်အတွက်တည်ထွင်နိုင် စွမ်းအားသူတို့ရဲ့ ထွင်ဥာဏ်ကလေးတွေကို ဘယ်လောက်များအထောက်ကူပြုသလဲဆိုတာ တော့ နဲနဲသံသယ စိတ်ကလေးဝင်မိတယ်ဗျ ... ဒီတော့ကလေးတွေကိုစာသင်ခန်းမပို့လို့ ကလဲ ဖြစ်တာမျိုးတော့မဟုတ်ဘူးလေ....... ဒါပေမယ့်ဒီနေရာမှာထိုင်ပြီး ရေးနေတဲ့ သူတို့ရဲ့ စိတ်ညစ်နေတဲ့ ၀လုံးဝိုင်းဝိုင်းလေးတွေဟာ တကယ်တမ်း သူတို့လေးတွေရဲ့ထွင်ဥာဏ်လေး တွေကိုသာသတ်ပြစ်ခဲ့တယ်ဆိုရင်တော့ မနက်ဖြန်တွေဟာ မတွေးဝံ့စရာဘဲဆိုပါတော့ ....
ဒါပေမယ့်လူကြီးဆိုတာမျိုးက တယ်လဲလောဘကြီးတက်တာမျိုးမဟုတ်လား ဒီတော့ ၂၁ ရာစုလို အပြိုင်အဆိုင်အင်မတန်မှ များပြားတဲ့ ခောတ်ကာလ ထဲမှာ သူတို့ရဲ့ သားသမီးတွေကို အားလုံးထက်တော်စေ တက်စေ ထက်စေချင်တာကို တော့ အပြစ်ပြောလို့ဘယ်ရမလဲနော်..... ဒါပေမယ့် ဒီလိုမျိုးပေါ့လေ ဖြစ်စေချင်တဲ့ လူကြီးတွေရဲ့ စိုးရိမ်လွန်ကဲမှုတွေ ကြောင့် ဒီကလေးငယ်တွေရဲ့ထွင်ဥာဏ်ကလေးတွေသေဆုံးခဲ့မယ်ဆိုရင် ဘယ်သူ့ကိုအပြစ်တင်ရမလဲ ...... ဒီကလေးတွေရဲ့ အိုင်ဒီယာသတ်သူဟာ ဘယ်သူလဲ ....
မူကြိုပညာရေးစနစ်ကြီးလား....
ဖြစ်စေမှုလွန်ကဲတဲ့မိဘတွေလား.....
ဘယ်သူလဲ ဘယ်သူလဲ တရားခံဘယ်သူလဲ .....
အနာဂါတ်ရဲ့ ကလေးငယ်တွေ ၂၁ ရာစုရဲ့ အိုင်ဒီယာ ခမ်းခြောက်ချောက်ကမ်းပါထဲကိုကျဖို့ လက်နှစ်လုံးလောက်အလိုမှာ ကျနော်တို့ ဘယ်လိုကယ်တင်ကြမလဲ ..... ပြောင်းလဲသင့်တာတွေကိုပြောင်းလဲဖို့သူရဲဘောကြောင်နေမယ်ဆိုရင်တော..............

Posted in: | 2 ဝေဖန်ခဲ့ပါပြီ | |

ဖောက်ခွဲမိတဲ့ စာ

Wednesday, January 16, 2008 by KO WAI

မင်းတို့အကြိုက် ရေးမိတဲ့ ငါ့ကဗျာ ငါ့စာတွေကိုလည်း ငါစိတ်ကုန်တယ်
ကဗျာ မကြိုက်တက်တဲ့သူ့ကိုလည်း တစ်တစ်တစ်ခါစိတ်ကုန်တယ်
သူ့ကိုမှမေ့လို့မရတဲ့ ငါ့ကိုငါလည်း စိတ်ကုန်တယ်
သူဖုန်းဆက်တက်တဲ့ အချိန်တိုင်း ဖုန်းဘေးနားမှာ ထိုင်နေမိတဲ့
ငါ့ကိုငါလည်းစိတ်ကုန်တယ် .... တစ်ခါတစ်ခါ ငါ့စိတ်နဲ့ ငါနေခွင့်မရတဲ့
ဘ၀ ဆိုတဲ့ အနှောင်ဖွဲ့တစ်ခုကိုလည်းစိတ်ကုန်တယ် ဖြစ်နိုင်ရင်
အားလုံးကို ငါသတ်ပစ်ပြီး ငါ့ကိုငါလည်းသတ်သေလိုက်ချင်တယ်
မလုပ်ရဲလို့ ဟတ် ဟတ်

Posted in: | 1 ဝေဖန်ခဲ့ပါပြီ | |

newspaper and idea

ခေါင်းစဉ်လေးတွေခွဲထားတယ်

လအလိုက် ရေးခဲ့တာတွေ

ဝေဖန်သွားတာလေးတွေ

Subscribe

Powered By

လွယ်အိတ်ဖြစ်သွားတဲ့ငါ

ရင်ခုန်သံဆွေးနွေးခန်း

ဇာတ်တူသား စားသူများ

လူ့ချဉ်ဖတ် ဖြစ်သွားတဲ့ ငါ

အမှားပြင်ဆင်ချက်

ကွန်ပျူတာသည် အထီးလောအမလော

လူတွေနှင့်စိန်ပြေးတမ်းကစားခြင်း

“သူ” သို့မဟုတ် အဝေးရောက်တမ်းချင်း

အဖေ

သြော် မိန်းမ မိန်းမ

တိုလီသို့အိတ်ဖွင့်ပေးစာ

အမှတ်တရမှ အမှတ်တရ

တစ်ချိန်ကအရိပ်တစ်ခု

သူနာပြုဘုရား

အိပ်မက်ပျောက်သောမျက်ဝန်းများ

နာဂစ် အမှတ်တရ

ဘ၀အမောများ

ဖူးစာရှင်ဘယ်သူလဲ

အိုင်ဒီယာ ဘယ်သူသတ်

ဖောက်ခွဲမိတဲ့ စာ

About Me

ဒီအချိန်ဆိုလွမ်းတယ်..

သိချင်တာတွေရှာကြည့်ပါ

ဘာမှာချင်သလဲ ပြောခဲ့ကွယ်

ရောင်းရင်းများ